Бүх газар хүн бүрт хүрнэ

Санхүүгийн оролцоог хангасан орчин хүн бүрийн амьдралыг сайжруулдаг.

Санхүүгийн оролцоо

Виза олон улсын сүлжээ нь санхүүгийн оролцоог хөгжүүлэх хүчирхэг талбар юм. Хүмүүсийг санхүүгийн албан системд оруулах замаар бид амьдралыг сайжруулж, боломжуудыг хөгжүүлж, эдийн засгийг бэхжүүлдэг.

Тойм

Санхүүгийн оролцоо гэдэг нь хүмүүс болон бизнесийн байгууллагууд аюулгүй, тухтай, боломжийн өртөгтэй төлбөр болон бусад санхүүгийн үйлчилгээ авах боломжтой бөгөөд тэдгээрийг өдөр тутмын хэрэгцээндээ болон урт хугацааны зорилгодоо ашиглах боломжтой гэсэн маш энгийн санаа.

Энгийн боловч хялбар биш. Өнөөдрийн байдлаар дэлхийн насанд хүрэгчдийн хагас нь зөвхөн бэлэн мөнгөөр гүйлгээ хийдэг албан бус эдийн засагт амьдарч байна. Ойролцоогоор хоёр тэрбум ийм хүмүүсийн нэг байна гэдэг нь амьдралыг илүү эрсдэлтэй, үнэтэй, үр ашиггүй болгож байдаг санхүүгийн саадтай тулгарна гэсэн үг. Санхүүгийн харилцаанд оролцох чадвар нь хүмүүсийг ядуурлаас гаргах, илүү бүтээмжтэй чадавхитай иргэдийг бий болгох, бизнесийн боломжуудыг хөгжүүлж, эдийн засгийн өсөлтийг дэмжихэд тусална.

Санхүүгийн оролцоонд хурдтай хүрэх зам бол цахим төлбөр бөгөөд энэ нь аливаа этгээдийн ашиглах хамгийн эхний санхүүгийн бүтээгдэхүүн байдаг. Виза компани нь сүүлийн 60 жилийн турш хэдэн зуун сая хүмүүс болон албан байгууллагад хурдан, найдвартай санхүүгийн гүйлгээ хийх боломж олгож, олон улсын системд холбосоор ирсэн.  Бидний хамрах хүрээ, мэдлэг, техникийн чадавхи Виза компанийг санхүүгийн оролцоог хөгжүүлэхэд чухал байр суурь эзлэх хэмжээнд хүргэжээ.

Дэлхийн банкны 2020 он хүртэлх Дэлхий нийтийн санхүүгийн хүртээмж уриалгын хүрээнд Виза компани 2015 онд банкинд бүртгэлгүй нэмэлт 500 сая хүнийг төлбөрийн данстай болгох амлалт өгсөн. Бид энэ гайхалтай зорилгодоо хүрэхийн төлөө баяртай ажиллаж байгаа бөгөөд тун удахгүй биелнэ гэдэгт итгэл дүүрэн байна.

Санхүүгийн харилцаанд оролцох чадварыг бэхжүүлэх

Манай бүтээгдэхүүнүүд дэлхий даяар хүмүүсийн амьдрал ахуйг сайжруулсаар байна.

Мөнгө илгээх + хүлээн авах

Дэлхийн олон газарт хүнд мөнгө дамжуулах нь эрсдэлтэй, үнэтэй, амаргүй ажил байдаг. Виза гэр рүүгээ мөнгө илгээх, сургалтын төлбөр төлөх зэрэг хувийн төлбөрүүдийг хийх үр өгөөжтэй, найдвартай, хурдан болгох боломжийг санал болгодог.

Виза компанийн хөдөлгөөнт сүлжээний бүтээгдэхүүн болох mVisa нь Руанда, Египет, Энэтхэг, Кени зэрэг улсуудад Виза логотой аль ч үйлчилгээний байгууллагаар дамжуулан мөнгө авах, гүйлгээ эхлүүлэхэд нь туслах замаар банкны салбар ховор байгаа хүндрэлийг шийдвэрлэж байна.

Визагийн хөдөлгөөнт төлбөрийн бүтээгдэхүүн mVisa нь Энэтхэг, Кени, Руанда улсуудад ямар ч утас, үүрэн телефоны оператор ашиглан мөнгө авах, мөнгө илгээх, мөн mVisa лого бүхий үйлчилгээний аль ч байгууллагад төлбөр хийх боломжийг хүмүүст олгох замаар банкны салбар ховор байгаа хүндрэлийг шийдвэрлэж байна.

Four Chinese people standing outside looking at smart phone.

Өдөр тутмын хэрэгцээт зүйлсээ төлөхуй

Виза цахим бүтээгдэхүүнүүд дэлхий дахины хүмүүсийн өдөр тутмын амьдралыг илүү аюулгүй, илүү тухтай болгож байна. Манай бүтээгдэхүүнүүд хүмүүст хүнс, хувцас, эм, тээвэр гэх мэт өдөр тутмын хэрэгцээний төлбөрөө илүү дээр аргаар хийх боломж бүрдүүлдэг.

Виза аливаа нөхцөл байдалд тохирсон бүтээгдэхүүнийг нийлүүлэхийн тулд түншүүдтэйгээ нягт хамтран ажилладаг. Жишээлбэл, Филиппинд хуй салхинд өртсөн хохирогчдод яаралтай тусламж үзүүлэхэд урьдчилсан төлбөрт карт ашиглаж байсан бол Нигер Улсад бизнес эрхлэгч эмэгтэйчүүдэд хадгаламжийн данс санал болгосон. Бид хувь хүнийг хөгжүүлэх хэмнэлтийн бүлгүүдийг Уганда дахь банкуудтай холбож, АНУ-ын хүн амын цөөнх гэр бүлүүдэд зориулж хамгаалалттай зээлийн картыг шинээр гаргасан.

Засаг захиргаанаас төлбөр хүлээн авах

Засгийн газрууд Виза урьдчилсан төлбөрт карт ашиглан цалин хөлс, тэтгэвэр, тэтгэмжээ төлж байгаа бөгөөд бэлэн мөнгө болон бэлэн мөнгөний төрлийн тэтгэмжүүдээс зайлсхийж байна. Ингэснээр тэд төлбөрийг илүү аюулгүй, үр өгөөжтэй болгохын зэрэгцээ илүү ил тод цахим засаглалыг бий болгож, хүмүүсийг албан ёсны санхүүгийн үйлчилгээтэй танилцуулж байна.

Виза компани нь Египет болон Бүгд Найрамдах Доминик Улсын засаг захиргаатай хамтран ажиллаж, 8 сая гаруй гэр бүлд цалин хөлс болон халамжийн мөнгийг Виза урьдчилан төлбөрт картаар түгээж байна.

Woman at window counter of neighborhood store in Brazil.

Ая тухыг бий болгож байна

Ойр орчмын дэлгүүрүүд, жижиг бизнесүүд бэлэн мөнгөнөөс цахим руу шилжсэнээр хүмүүс цахим төлбөр болон депозитийн талаар сурч мэдэх, тэдгээрийг ашиглах ая тухтай, итгэлтэй газар нь болох болно.

Дэлхийн хамгийн том бейкери болох Бимботой түншлэн Виза компани Мексикийн 70000 жижиг дэлгүүрийг сайжруулж, цахим төлбөр хүлээн авах, бараа нийлүүлэлтийн захиалга хүлээн авах боломжтой болгож өгсөн.

Бүгд Найрамдах Доминикан улсын төрийн татаас

Виза төрийн татаасаар санхүүгийн оролцоог нэмэгдүүлэх зорилгоор урьдчилсан төлбөрт картын технологийг гаргасан.

Farmers load hay on to a tractor in China.

Хятадын Санхүүгийн оролцоог илэрхийлэх бүс

Виза төр, төрийн бус байгууллага, их сургууль болон санхүүгийн байгууллагуудтай хамтран хөдөө орон нутгийн 5 сая оршин суугчид санхүүгийн үйлчилгээ үзүүлж байна.

Оролцоог хангах түншлэл

Виза түншүүдийнхээ хамт амжилтад хүрдэг. Бид хувийн компаниуд, төрийн байгууллагууд, ашгийн бус байгууллагуудтай хамтран дэлхий дахинд эмзэг бүлгийн хүмүүст хүрч, тэдний санхүүгийн оролцоог хангахад шаардлагатай шийдлийг бий болгодог.

building icon

Хувийн хэвшил

Цахим төлбөрийг хөгжүүлж, санхүүгийн оролцоог хангах инноваци болон хөрөнгө оруулалтын дийлэнхийг бизнесийн байгууллагууд хөтөлж байна. Виза нь үйлчлүүлэгч банкууд, бусад санхүүгийн байгууллагууд, технологийн инноваци бүтээгчид болон жижиглэн худалдаачидтай хамтран банкны үйлчилгээ хүрдэггүй хүмүүс болон бизнесийн байгууллагуудад хүрэх цахим шийдлийг хөгжүүлж, туршиж, өргөжүүлж байна.

Бид Колумбын кофены холбоо Tarjeta Cafetera болон Banco de Bogotá-тай хамтран дахин цэнэглэх боломжтой дебит карт шинээр гарган тариачдад хот хүрэх хол зам туулах шаардлагагүйгээр ургацын төлбөрөө авах, төрөөс татаас авах боломжийг бүрдүүлсэн. Энэтхэг Улсад бид Janalakshmi санхүүгийн үйлчилгээнд хувьсал авчирч, 5,5 сая эмэгтэй үйлчлүүлэгчиддээ бэлэн мөнгөөр зээл хуваарилдаг байсныг Виза картаар өгдөг болгож, санхүүгийн болон хадгаламжийн чиглэл зөвлөгөө өгсөн.

financial institution icon

Засгийн газар

Засгийн газар бол санхүүгийн оролцоог хөгжүүлэхэд хамтрах нэн чухал түнш. Тэд үндэсний тэргүүлэх чиглэл, бодлогыг тодорхойлж, цалин хөлс, халамж болон бусад төлбөрөөр маш олон хүмүүс, бизнесийн байгууллагуудад хүрдэг.

7 сая төрийн албан хаагчдынхаа цалинг Виза компанийн урьдчилсан төлбөрт картаар шууд төлөх замаар бэлэн мөнгөний эдийн засгаа өөрчлөх Египетийн Засгийн Газрын зорилгод Виза компани дэмжлэг үзүүлж байна. Виза мөн 22 сая гэр бүлд үзүүлэх хүнс, талхны мөнгөн хөнгөлөлтийн цахим хүргэлтийг сайжруулах үйл ажиллагааны төлөвлөгөөг боловсруулсан. Хятадад Виза засгийн газартай нь хамтран судалгаа, шилдэг туршлага, сургалт, бүтээгдэхүүний инноваци болон Зүүн хойд гурван мужийн "Санхүүгийн оролцооны үзүүлэнгийн бүс" зэргээр дамжуулан 2020 он хүртэл санхүүгийн харилцаанаас алслагдсан 10 сая хүнд хүрэх санаачлагыг ивээн тэтгэж байна.

magnify icon

Ашгийн бус

Виза тэргүүлэгч ашгийн бус байгууллагуудад хөтөлбөр боловсруулах, санхүүгийн экосистемээс алслагдсан хүмүүст хүрэх шинэлэг арга замыг олох зорилгоор салбарын мэдээллийг хуваалцахад санхүүжилт олгодог. Зарим онцлох түншүүдээ доор дурдав.