Итгэл хүлээнэ гэдэг нь хувийн мэдээлэл, нууцлалыг хамгаалахын төлөө хүчин чармайлт гаргахаас эхэлнэ. Бидний ойлголт маш энгийн: бид итгэж өгсөн мэдээллийг хэрэглэгчийн төлөө ашигладаг ба бизнес, эдийн засгийн өсөлтөд тусалдаг.
Та төлбөр төлөхдөө аятай тухтай, аюулгүй, нууцлагдсан үйлчилгээг авах хүлээлттэй байдаг гэдгийг бид мэднэ. Таны хүлээлтийг биелүүлэхийн тулд бид нууцлалын дараах хүчин чармайлтыг гаргадаг:
- Таны хувийн мэдээллийг Виза худалддаггүй. Манай Хувийн мэдээллийн глобал мэдэгдэлд бид төлбөр гүйцэтгэх, таны карт олгосон банкинд үйлчилгээ үзүүлэх, заллингаас сэргийлэх эсвэл таны зөвшөөрлөөр мэдээллийг хэрхэн хуваалцах талаар тодорхойлж өгсөн.
- Бид урьдчилсан тодорхойлсон, зохих ёсны зорилгоор л хувь хүний мэдээллийг ашигладаг. Дэлхийн хамгийн том электрон төлбөрийн сүлжээний нэгийг ажилуулахын зэрэгцээ бид баталгаажуулах, залиланг хянах, үнэнч хэрэглэгч, зөвлөгөө, мэдээлэл боловсруулах үйлчилгээг үзүүлдэг. Түүнчлэн бид манай үйлчлүүлэгчид өөрсдийн бизнесийн үйл ажиллагаанд дүгнэлт хийх боломж олгосон дата бүтээгдэхүүнийг гаргадаг. Эдгээр бүтээгдэхүүн нь таны хувийн мэдээллийг хамгаалах үүднээс таныг танихгүй болгосон датаг агуулдаг.
- Бид бүх газарт хуульзүйн хамгийн өндөр стандартыг дагаж мөрддөг. Дэлхий дээрх хувийн мэдээлэл, аюулгүй байдлын хууль бүр бидэнд хамаатай болдог ба бид энэ бүгдийг дагаж мөрдөх ёстой гэдгээ ойлгодог.
- Бидний үйл ажиллагаанд маш хатуу хяналт хэрэгждэг. Манай Хувийн мэдээллийн глобал хөтөлбөр нь туршилт, хараат бус аудитын иж бүрэн хяналтад суурилдаг. Визагийн бүх ажилчид хувийн мэдээлэл, аюулгүй байдлын сургалтад хамрагддаг. Мөн бид манай систем дахь хувь хүний мэдээллийг хамгаалж, манай сүлжээнд халдлага гарахаас урьдчилан сэргийлэхийн тулд маш их хөрөнгө оруулалт хийдэг.
