Визагийн Глобал Нууцлалын Мэдэгдэл

Хувь хүний мэдээлэл гэдэг нь бид таныг мөн гэж таних, таны байршлыг мэдэх эсвэл тантай холбоо барих болон бусад холбогдох мэдээллийг хэлнэ. Энэ нь таны хувь хүний мэдээлэлтэй холбоотой байж болох бусад мэдээллийг мөн агуулдаг. Бид хэд хэдэн төрлийн хувь хүний мэдээллийг цуглуулдаг, үүнд:

• Картын гүйлгээний мэдээлэл энэ нь бидэнд Визанет болон электрон төлбөрийн сүлжээгээ ажиллуулж, төлбөрийн үйлчилгээ үзүүлэх боломж олгодог. Та Виза карт (эсвэл бусад төлбөрийн бүтээгдэхүүн) ашиглах үед бид гүйлгээний огноо, цаг, байршил, дүн болон КҮБ-ын тухай мэдээллийг хүлээж авна. Бид гүйлгээг гүйцэтгэх болон үйлчлүүлэгчдэдээ үйлчилгээ үзүүлэхдээ бусад санхүүгийн мэдээллийг хүлээн авч болно. Жишээ нь та Визагийн аюулгүй төлбөрийн шийдэлд (гэх мэт ) бүртгүүлбэл бид таны худалдан авалт хийж байгаа төлбөрийн картын хүчинтэй байх хугацаа, хамгаалалтын код (жнь: таны төлбөрийн картын CVV2) зэрэг нэмэлт мэдээллийг мөн цуглуулна.
  
• Холбоо барих мэдээлэл тухайлбал таны нэр, хэрэглэгчийн нэр, шуудангийн хаяг, утасны дугаар, э-мэйл хаяг эсвэл нийгмийн сүлжээний профайлын нэр зэрэг нь тантай харилцах боломжийг бидэнд олгодог.
• Харилцааны мэдээлэл нь худалдан авалт хийх, төлбөрийн сонголт болон таныг ойлгож, хувь хүнд тохируулсан контентыг танд санал болгоход туслах бусад мэдээлэл зэрэг нь тантай бизнес хийхэд бидэнд тусалдаг.
• Таны Визатай харилцсан мэдээлэл гэдэг нь тухайлбал таны дараах тохиолдолд цуглуулагдсан өгөгдөл юм:
  • Күүки болон бусад технологийг ашиглан цуглуулсан мэдээллийг оролцуулан манай бүтээгдэхүүн, үйлчилгээ, вэбсайт эсвэл аппыг ашиглах
  • Бидэнтэй харилцах, тухайлбал, чанарыг сайжруулах болон сургалтын зорилгоор утсаар ярих яриаг бичиж авах зэргээр манай хэрэглэгчийн үйлчилгээний төвтэй холбоо барих
  • Урамшуулал эсвэл хөтөлбөрүүдэд оролцох
  • Визагаас ивээн тэтгэсэн арга хэмжээнд оролцох, тухайлбал та болон бусад хамтрагчид зориулсан аялалтай холбоотой мэдээлэл мөн гэрэл зураг, видео гэх мэт арга хэмжээн дээр цуглуулсан мэдээлэл
    
  • Маркетингийн саналаас татгалзах, хүлээж авах эсвэл бусад сонголтоо эдлэх

Та Виза брэндийн төлбөрийн картыг ашиглах бүрд бид Картын гүйлгээний мэдээлэл болон бусад санхүүгийн мэдээллийг таны төлбөрийн картыг гаргагч, КҮБ, карт хүлээн авагч болон бусад гуравдагч этгээдээс хүлээж авдаг. Та онлайн худалдан авалт хийх үед бид гуравдагч этгээдийн цахим түрийвч болон КҮБ эсвэл үйлчлүүлэгчдэдээ үйлчилгээ үзүүлэхдээ тэднээс нэмэлт мэдээлэл авч болно.

Та манай салбар компаниуд эсвэл үйлчлүүлэгчдийн санал, үнэнч хэрэглэгчийн хөтөлбөрт бүртгүүлбэл бид хувь хүний мэдээллийг цуглуулдаг. Жишээ нь та мөнгөн урамшуулал авах эсвэл карттай холбогдсон саналыг хүлээж авахаар бүртгүүлсэн бол бид танд кредит, шагнал авах боломжийг олгох үүднээс Картын гүйлгээний мэдээлэл болон бусад хувь хүний мэдээллийг боловсруулах болно.

Бид танаас хувь хүний мэдээллийг шууд цуглуулж болно эсвэл бидний өмнөөс гуравдагч этгээдүүд танаас хувь хүний мэдээлэл цуглуулж болно.  Жишээ нь та бидэнтэй холбоо барьж, урамшуулалд бүртгүүлэх, биднээс мессеж хүлээн авахаар бүртгүүлэх эсвэл аюулгүй төлбөрийн хөтөлбөр (тухайлбал Виза Checkout эсвэл товшиж Визагаар төлөх )² эсвэл биометрийн төлбөрийн хөтөлбөрт бүртгүүлж болно.

Бид таны хувь хүний мэдээллийг дараахад ашигладаг:

• ³ Таны төлбөрийн гүйлгээг идэвхжүүлэх, мөн баталгаажуулах, маргаан шийдвэрлэх, залилангаас сэргийлэх, хамгаалалтын гэх мэт холбогдох зорилгоор Визагийн электрон төлбөрийн сүлжээг ажиллуулах.
• Таны зүгээс Визагаас авахыг хүссэн бүтээгдэхүүн, үйлчилгээ, хөтөлбөр, санал эсвэл мэдээллийг танд хүргэх, эрхтэй эсэхийг тогтоох болон хэрэглэгчийн үйлчилгээ гэх мэт холбогдох зорилгоор.
• Үйлчлүүлэгчдэдээ үйлчилгээ үзүүлэх. Жишээ нь та карт гаргагч эсвэл КҮБ-ын үнэнч хэрэглэгчийн хөтөлбөрт бүртгүүлбэл таны шагналыг тооцохын тулд Картын гүйлгээний мэдээллийг боловсруулж, үйлчлүүлэгчээс танд үзүүлэх зорилтот саналуудыг хүргэх болно.
•  Виза Checkout эсвэл товшиж Визагаар төлөхийг ажиллуулах ( ) үүнд шийдэлд таныг бүртгүүлэх, төхөөрөмж дээрээ нэвтэрсэн хэвээр байх боломжийг танд олгох (та үүнийг сонгосон бол), шийдлийг ашиглан гарах боломжийг танд олгох, бусад цахим түрийвчтэй нэгдэх (та үүнийг сонгосон бол) болон таны шийдэл ашиглахтай холбоотой хөтөлбөрүүдэд оролцох гэх мэт.
• Судалгаа, үнэнч хэрэглэгчийн хөтөлбөр, шагнал, уралдаан болон арга хэмжээнүүдийг удирдан явуулах.
• Таны сонголтод суурилж маркетингийн харилцаа холбоо, хувь хүнд тохируулсан санал, сонирхолд суурилсан сурталчилгааг танд хүргэх.
• Бизнесийн ухаан, ойлголтыг бий болгох, эдийн засгийн чиг хандлагыг ойлгохын тулд дүн шинжилгээ болон загварчлалын зорилгоор та болон бусад хүмүүс манай бүтээгдэхүүнийг хэрхэн хэрэглэж байгааг ойлгох
• Бүтээгдэхүүн хөгжүүлэх, үйлчлүүлэгчдэд зөвлөх үйлчилгээ үзүүлэх зориулалтаар хувийн биш болгосон, үл танигдах, нэргүй эсвэл нэгтгэсэн өгөгдлийн багцыг үүсгэх.
• Дансны менежмент, чанарын хяналт, вэбсайт ажиллуулах, бизнесийн залгамж чанар, осол, саатлыг арилгах, хамгаалалт болон залилангаас сэргийлэх, компанийн засаглал, тайлагнах болон хуулийн шаардлага биелүүлэх гэх мэт бидний өдөр тутмын бизнесийн үйл ажиллагааг дэмжих.

Хувь хүнийг таних боломжгүй байдлаар мэдээллийг бид ашиглаж, ил болгож болно гэдгийг та анхаарна уу. Жишээ нь бид төлбөрийн карт ашиглалтын ерөнхий чиг хандлагыг харуулсан тайлан гэх мэт нэгтгэсэн эсвэл статистик өгөгдөл бүхий тайланг нийтэлж болно. Эдгээр тайлан нь аливаа хувь хүний мэдээллийг агуулдаггүй.

³ Үүнд гүйлгээний зөвшөөрөл, клиринг, гүйлгээг гүйцэтгэх болон токенжуулах гэх мэт манай үндсэн үйл ажиллагаа багтана.

Америкийн Нэгдсэн Улсад Виза нь VAS-д зориулан картын гүйлгээний мэдээллийг сайжруулж, ашигладаг бөгөөд энэ нь манай үйлчлүүлэгчдэд сурталчилгааныхаа аяны үр нөлөөг хэмжих эсвэл тэдний аянг сонирхогчдыг тодорхойлох гэх мэт маркетингийн хүчин чармайлтаа сайжруулах боломж олгодог нэгтгэсэн өгөгдлийн бүтээгдэхүүний багц юм. VAS-н бүтээгдэхүүнүүд хувь хүний мэдээллийг ил болгодоггүй. Жишээ нь VAS-н маркетингийн тайлан нь газарзүйн нэг бүсийн хэрэглэгчид нөгөө газарзүйн бүсийн хэрэглэгчидтэй харьцуулахад авто сэлбэг хэрэгслийн дэлгүүрүүдэд илүү их мөнгө зарцуулах хандлагатай байгааг манай үйлчлүүлэгчдэд харуулж болно. 

АНУ-ын карт эзэмшигчид VAS-н картын гүйлгээний мэдээллээ ашиглан Визагаас татгалзан гарах боломжтой. Ийнхүү татгалзан гарах нь Визагийн бизнесийн бусад чиглэлд, үүнд бизнесийн үйл ажиллагаагаа эрхлэхэд ашиглалт нь хуульд заасны дагуу шаадлагатай эсвэл VAS-тай хамааралгүй бусад бүтээгдэхүүн, үйлчилгээг зохион бүтээх, ажиллуулахад бидний мэдээлэл ашиглалтыг хязгаарлахгүй болно. 

Бид таны хувь хүний мэдээллийг дараах этгээдүүдэд ил болгож болно:

• Таны Виза карт (эсвэл төлбөрийн бүтээгдэхүүн) гаргагч
• КҮБ, санхүүгийн байгууллага, гуравдагч этгээдүүдэд, энэ нь таны төлбөрийг гүйцэтгэх, манай төлбөрийн сүлжээг ажиллуулах, Визагийн аюулгүй төлбөрийн шийдлийн туршлагыг дэмжих (шаардлагатай бол), залилан, хуулийн шаардлага биелүүлэлт, гомдлыг удирдахад шаардлагатай болон бусад төсөөтэй зорилгоор (тухайлбал маргаантай байгаа төлбөрийн хяналт шалгалт хийх)
• Манай салбар компаниуд нь зөвхөн энэхүү Мэдэгдэлд заасан зорилгын хүрээнд таны мэдээллийг ашиглаж болно, мөн
• Бидэнд үйлчилгээ үзүүлэхийн тулд таны мэдээллийг ашигладаг манай үйлчилгээ үзүүлэгч нар үүнийг хамгаалах шаардлагатай байдаг
  

Та хосолсон брэнд эсвэл урамшууллын хөтөлбөрт бүртгүүлэх үед бид КҮБ, шагналын сүлжээ болон бусад түншид мэдээллийг тань таны зөвшөөрлөөр ил болгож болно. Зарим тохиолдолд Виза нь мөнгөн урамшуулал болон шагналын хөтөлбөрийг санал болгож буй компаниудад үйлчилгээ үзүүлэгчээр ажилладаг ба шагнал өгөх боломжтой болгохын тулд шагналын компанид өгсөн таны зөвшөөрөл дээр үндэслэн бид таны болон таны төлбөрийн гүйлгээний тухай мэдээллийг илж болгож болно. Жишээ нь та Визагаар дамжуулан аяллын түншээс санал хүлээж авахаар бүртгүүлбэл бид тухайн хөтөлбөрийг хэрэгжүүлэх, холбогдох зүйлийг баталгаажуулах, урамшууллын амжилтыг хэмжих шаардлагын үүднээс таны хувь хүний мэдээллийг тухайн түнштэй хуваалцаж болно.

Бизнесийн хөрөнгө худалдах, шилжүүлэх, гэрээгээ хэрэгжүүлэх, өмч хөрөнгө эсвэл эрхээ хамгаалах, бусдын өмч хөрөнгө, аюулгүй байдлыг хамгаалах болон аудит, хуулийн шаардлага биелүүлэлт, компанийн засаглалын шаардлагаар бид таны мэдээллийг хуулиар зөвшөөрсний дагуу гуравдагч этгээдүүдтэй хуваалцаж болно.

Бид хуулиар шаардсаны дагуу тухайлбал Америкийн Нэгдсэн Улс болон бидний үйл ажиллагаагаа явуулж байгаа бусад улсын хууль сахиулах алба, зохицуулах байгууллага болон шүүхийн шаардлагаар хувь хүний мэдээллийг мөн ил болгох болно.

Та манай вэбсайтад зочлох, манай гар утасны аппуудыг ашиглах эсвэл манай э-мэйл, онлайн сурталчилгаатай холбогдоход бид күүки, pixel tags, хөтчийн дүн шинжилгээний хэрэгсэл, серверийн бүртгэл, web beacons зэрэг технологийг ашиглан автоматаар мэдээлэл цуглуулж болно.

Зарим тохиолдолд бидний цуглуулсан мэдээлэл зөвхөн үл танигдах хэлбэрээр ашиглагддаг. Жишээ нь бид вэбсайтаа оновчтой болгох болон вэбсайт дахь ачааллын загварыг ойлгохын тулд бүх вэбсайт хэрэглэгчийн талаар цуглуулсан мэдээллийг ашигладаг. Бид ийм мэдээллийг таныг тодорхойлох эсвэл сурталчилгаагаа зорилтот болгох зорилгоор ашигладаггүй.

Бусад тохиолдолд бид мэдээллийг танигдах хэлбэрээр ашиглаж болно. Жишээ нь бид таныг болон таны төхөөрөмжийг баталгаажуулах, хувь хүнд тохируулсан контент илгээх эсвэл дүн шинжилгээ, залиланг илрүүлэх болон хамгаалалтын зорилгоор мэдээллийг ашиглаж болно. Бид мөн мэдээллийг онлайн зорилтот сурталчилгаанд зориулж ашиглаж болно. Манай Күүкигийн мэдэгдэл нь манай онлайн өгөгдөл цуглуулах технологиуд болон таны сонголтын талаар нэмэлт мэдээлэл өгдөг. 

Манай Күүкигийн мэдэгдэлд тодорхойлсончлон бид гуравдагч этгээдийн сурталчилгааны компаниудтай харилцаатай байдаг. Эдгээр гуравдагч этгээд нь таныг болон таны хөтөч эсвэл төхөөрөмжийг янз бүрийн вэбсайт болон апп хооронд мөрдөж болно.

Таны тохиргооноос хамаарч, таныг манай вэбсайтад зочлох үед тэд күүки эсвэл таагийг компьютер дээр тань байршуулж болох ба ингэснээр тэд танд зорилтот сурталчилгааг бусад вэбсайт дээр харуулах болно. Эдгээр компанийн зүгээс таны өгөгдлийг ашиглах нь тэдний өөрсдийнх нь нууцлалын бодлогод хамаарна.

Визагийн олон вэбсайт нь зөвхөн та вэбсайтад анх зочлоход “Бүх Күүкиг хүлээн авах”-ыг даран эдгээр күүкийг ил байдлаар хүлээн авсан тохиолдолд маркетинг, хувь хүнд тохируулах болон сурталчилгааны күүкиг байршуулдаг. Манай Күүкигийн мэдэгдэл нь та хэрхэн өөрийн тохиргоог удирдах болон өмнө нь хүлээн авсан күүкийг хэрхэн идэвхгүй болгохыг тайлбарладаг.

Манай вэбсайтууд нь таныг нийгмийн сүлжээний платформуудаар дамжуулан бидэнтэй болон бусадтай харилцах боломж олгож болно. Бид сайтын хуулийн нөхцөлийн дагуу эдгээр платформоос мэдээлэл цуглуулдаг. Та эдгээр платформыг ашиглаж байгаа үед бид сонирхолд суурилсан сурталчилгааг мөн танд харуулж болно. Платформууд нь танд харуулсан сурталчилгааг хувь хүнд тохируулах боломжийг бидэнд олгодог ба тэд бидний гаргадаг сурталчилгаанд хэн хариу үйлдэл үзүүлж байгаа тухай олж мэдэж болно.

Та манай гар утасны аппуудыг татаж авбал таны гар утасны төхөөрөмжөөс нарийвчилсан байршлыг тань олж авах боломжийг бидэнд олгож болно. Энэ мэдээллийг бид хувь хүнд тохируулсан контентыг нийлүүлэх болон дүн шинжилгээний зорилгоор ашигладаг. Бид мөн автомат (“"түлхэх"”) мэдэгдлийг санал болгож болно. Хэрэв та зөвхөн хүлээн авахаар бүртгүүлсэн тохиолдолд бид танд түлхэх мэдэгдэл илгээх болно. Та манай гар утасны аппуудыг ашиглахын тулд байршлын мэдээлэл өгөх эсвэл түлхэх мэдэгдлийг идэвхжүүлэх шаардлагагүй.

Нууцлалын төв: Виза нь таны мэдээллийг хэрхэн ашиглах талаар олон янзын сонголтыг санал болгодог. Бид мөн тантай хэрхэн харилцах талаараа сонголтуудыг танд санал болгодог. Манай Нууцлалын төв нь эдгээр сонголтыг хэрхэн эдлэх талаар тайлбарладаг.

Та өөрийн мэдээлэлдээ хандах, засах болон цаашид бид бизнесийн зорилгоор ашиглах шаардлагагүй болсон тохиолдолд мэдээллээ устгуулах хүсэлт гаргах таны эрхийг бид хүндэтгэдэг. Та Визад онлайн данстай бол дансандаа нэвтэрч мэдээлэлдээ хандаж, шинэчилж, устгаж болно. Та мөн Нууцлалын төвөөр дамжуулан бидэнд хүсэлт илгээх эсвэл тусламж авах бол Бидэнтэй холбоо бариарай.

Хамгаалалтын шаардлага болон хувь хүний мэдээллийг зөвшөөрөлгүй ил болгохоос урьдчилан сэргийлэх үүднээс карт эзэмшигчид нь өөрсдийн Картын гүйлгээний мэдээлэлдээ хандах бол төлбөрийн карт гаргагчтайгаа холбоо барих ёстой. Энэ нь карт гаргагчийн баталгаажуулалтын үйл явцын дагуу зөвхөн эрх бүхий хувь хүмүүс мэдээлэлд хандахыг баталгаажуулахад тусалдаг.

Түүнчлэн таны карт гаргагч, аливаа КҮБ, шагналын сүлжээ таны хувь хүний мэдээлэлтэй хэрхэн харьцаж байгаа талаар танд асуулт байвал эдгээр компаниас гаргасан нууцлалын мэдэгдлийг шалгаж үзэн, нууцлалын хүсэлтийн талаарх тусламж хэрэгтэй бол шууд тэдэнтэй холбоо барина уу. Виза нь үйлчлүүлэгчдэдээ үйлчилгээ үзүүлэгчийн (мөн өгөгдөл боловсруулагч гэж нэрлэдэг) хувиар ажиллаж байгаа үедээ үйлчилгээ үзүүлэх, баримт хадгалах болон хуулийн шаардлага биелүүлэлт гэх мэт зохих зорилгын дагуу зөвхөн үйлчлүүлэгчийн заавраар таны мэдээллийг бид боловсруулдаг. Танд зохих нууцлалын мэдэгдлийг өгч, таны нууцлалын эрхийг удирдахдаа бид өөрийн үйлчлүүлэгчдээс хамааралтай байдаг.

Зарим муж, улсын оршин суугчдад нууцлалын нэмэлт эрхүүд бий. Эдгээр эрхийн тухай мэдээллийг Нууцлалын Төвд нийтэлсэн нууцлалын нэмэлт мэдэгдлүүдэд оруулсан болно.

Виза Сурталчилгааны Шийдлүүд (VAS): Америкийн Нэгдсэн Улсад Виза нь Виза VAS-д зориулан картын гүйлгээний мэдээллийг сайжруулж, ашигладаг бөгөөд энэ нь манай үйлчлүүлэгчдэд сурталчилгааныхаа аяны үр нөлөөг хэмжих эсвэл тэдний аянг сонирхогчдыг тодорхойлох гэх мэт маркетингийн хүчин чармайлтаа сайжруулах боломж олгодог нэгтгэсэн өгөгдлийн бүтээгдэхүүний багц юм.  VAS-н бүтээгдэхүүнүүд хувь хүний мэдээллийг ил болгодоггүй. Жишээ нь VAS-н маркетингийн тайлан нь газарзүйн нэг бүсийн хэрэглэгчид нөгөө газарзүйн бүсийн хэрэглэгчидтэй харьцуулахад авто сэлбэг хэрэгслийн дэлгүүрүүдэд илүү их мөнгө зарцуулах хандлагатай байгааг манай үйлчлүүлэгчдэд харуулж болно.

АНУ-ын карт эзэмшигчид VAS-н картын гүйлгээний мэдээллээ ашиглан Визагаас татгалзан гарах боломжтой. Ийнхүү татгалзан гарах нь Визагийн бизнесийн бусад чиглэлд, үүнд бизнесийн үйл ажиллагаагаа эрхлэхэд ашиглалт нь хуульд заасны дагуу шаадлагатай эсвэл VAS-тай хамааралгүй бусад бүтээгдэхүүн, үйлчилгээг зохион бүтээх, ажиллуулахад бидний мэдээлэл ашиглалтыг хязгаарлахгүй болно.

Нэмэлт Нууцлалын мэдэгдэл: Зарим муж, улсын оршин суугчдад нууцлалын нэмэлт эрхүүд бий. Эдгээр эрхийн тухай мэдээллийг  Нууцлалын Төвд нийтэлсэн нууцлалын нэмэлт мэдэгдлүүдэд оруулсан болно.

Виза нь Америкийн Нэгдсэн Улсад байршилтай бөгөөд дэлхий даяар салбар компаниуд ба үйлчилгээ үзүүлэгчидтэй. Таны хувь хүний мэдээллийг нууцлал эсвэл өгөгдөл хамгаалах төстэй хуульгүй улсад шилжүүлж болно. Чингэхдээ бид Нууцлалын мэдэгдэлд заасанчлан таны мэдээллийг хаана хадгалж байгаагаас үл хамааран үргэлж хамгаалах болно.

Бид хувь хүний мэдээллээ зөвшөөрөлгүй хандалт эсвэл алдагдлаас хамгаалахад тань туслахын тулд бодит, техникийн, зохион байгуулалтын болон захиргааны хамгаалалтуудыг ашигладаг. Жишээ нь бид шифрлэлт болон бусад хэрэгслийг мэдрэмтгий мэдээллийг хамгаалахад ашигладаг.  Бид таны хувь хүний мэдээллийг дээр жагсаасан зориулалт болон хуулиар зөвшөөрсний дагуу хадгалдаг.

Энэхүү Нууцлалын мэдэгдэл нь Visa Inc. болон түүний салбар компаниуд таны хувь хүний мэдээлэлтэй хэрхэн харьцдаг талаар тайлбарладаг. Өөрийн Виза карт гаргагчаас гаргасан нууцлалын мэдэгдлийг мөн уншиж, тухайн компани таны мэдээлэлтэй хэрхэн харьдаг талаар мэдэж аваарай. Түүнчлэн та санал, урамшуулалд оролцож байгаа бол бүртгүүлэхээсээ өмнө тухайн КҮБ эсвэл шагналын сүлжээнээс гаргасан Нууцлалын мэдэгдлийг уншина уу.

Визагийн вэбсайтуудаар дамжуулан хандаж болох нийгмийн сүлжээний платформууд болон бусад вэбсайт нь мөн өөрийн гэсэн нууцлалын бодлоготой. Та өөрийн мэдээллээ тэдэнд өгөхөөс өмнө эдгээр сайтаас гаргасан нууцлалын мэдэгдлийг уншихыг бид зөвлөж байна.

Та Визад ажил орох өргөдөл гаргасан бол таны өргөдөлдөө заасан хувь хүний мэдээллийг ажилд авах, хуулийн шаардлага биелүүлэх болон хүний нөөцийн бусад нийтлэг зорилгоор ашиглан, хадгалах болно. Манай Хүний нөөцийн Нууцлалын хөтөлбөрийн талаар илүү их мэдээлэл авах бол Бидэнтэй холбоо бариарай.

Визагийн платформ нь хүүхдэд зориулагдаагүй бөгөөд зөвхөн Visa-аас зөвшөөрөгдсөн тохиолдолд Visa нь хүүхдээс мэдээлэл цуглуулдаг. Жишээ нь бид 16-аас дээш насны хүүхдүүдээс Визатай харилцах, эсвэл хэрэв бид зөвшөөрөлтэй бол, жишээлбэл хүүхдүүд насанд хүрэгчдийн асран хамгаалагчидтай хамт Визийн санхүүжүүлсэн арга хэмжээнд оролцдог гэх мэт мэдээллийг цуглуулж болно. Хэрвээ биднийг хүүхдийн мэдээллийг зүй бусаар боловсруулж байна гэж та үзэж байвал Бидэнтэй холбоо бариарай. 

Бид энэхүү Нууцлалын Мэдэгдлийг цаг үргэлж шинэчилж болно. Өөрчлөлт хүчин төгөлдөр болмогц бид дохиог онлайнаар нийтлэх болно.  Хэрэв өөрчлөлт нь бидний аль хэдийн цуглуулсан, танигдаж болох мэдээллийн ашиглах хэлбэрт бодитоор нөлөөлбөл бид танд мэдэгдэх болно.

Манай нууцлалын үйл ажиллагааны талаар танд асуулт эсвэл тайлбар байвал эсвэл та нууцлалын эрхээ эдлэхийг хүсвэл бидэнтэй холбоо барина уу.  Та бидэнд:

• Бидэнд э-мэйл бичээрэй: [email protected]
  Э-мэйлд өөрийн дансны дугаар гэх мэт мэдрэмтгий мэдээллийг бичихгүй байна уу.
• Бидэнд захиа бичээрэй:
  Визагийн Глобал Нууцлалын Оффис
  900 Metro Center Blvd.
  Foster City, CA, 94404 USA