Визагийн Глобал Нууцлалын Мэдэгдэл

Бидний тантай харилцах харилцаа, харилцан үйлчлэлээс хамааран бидний цуглуулдаг хувь хүний мэдээллийн ангилалд дараах зүйлс багтана:

• Холбоо барих мэдээлэл—Үүнд таны нэр, хэрэглэгчийн нэр, шуудангийн хаяг, э-мэйл хаяг, утасны дугаар, гар утасны дугаар, яаралтай үед холбоо барих мэдээлэл, нийгмийн сүлжээний профайлын нэр, бусад хувийн таниулбар орно. Үүнд хувиараа бизнес эрхлэгчдийн холбоо барих мэдээлэл, бизнесийн холбоо барих мэдээлэл орно.
• Гүйлгээ ба санхүүгийн мэдээлэл—Үүнд:
  • Хувийн дансны дугаар буюу “PAN” гэж нэрлэгддэг 16 оронтой төлбөрийн картын дугаар зэрэг таны картын талаарх мэдээлэл; төлбөрийн дансны лавлагаа эсвэл “PAR” токен гэгддэг холбогдох санхүүгийн бус таниулбар; болон дуусах хугацаа, үйлчилгээний код, PIN баталгаажуулах өгөгдөл, CVV; болон
  • Гүйлгээний огноо, цаг, байршил, гүйлгээний дүн, худалдаачны талаарх мэдээлэл зэрэг таны гүйлгээний талаарх мэдээлэл. Үүнд мөн зарим тохиолдолд юмсын түвшний өгөгдөл багтана.
• Харилцааны мэдээлэл—Үүнд худалдан авалт хийх, төлбөрийн сонголт болон танд хувь хүнд тохируулсан контентыг санал болгоход туслах бусад мэдээлэл, тухайлбал:
  • Насны хүрээ, гэрлэлт, гэр бүлийн байдал зэрэг хүн ам зүйн мэдээлэл;
  • Та тодорхой худалдан авалт хийх сонирхолтой байх эсвэл амьдралын үйл явдлууд болон бусад хандлагатай холбоотой онооны магадлал; болон
  • Нийгмийн сүлжээний профайлуудын өгөгдөл болон таны сонирхлын талаарх мэдээлэл.
• Харилцан үйлчлэлийн мэдээлэл—Үүнд таны Визатай харилцах харилцааны талаарх мэдээлэл орно, тухайлбал:
  • Таныг урамшуулал эсвэл хөтөлбөрт оролцох үед цуглуулсан мэдээлэл, тухайлбал урамшууллын хөтөлбөрийн дансны мэдээлэл;
  • Картын үр ашгийн хөтөлбөрийн мэдээлэл, үүнд мэргэшлийн мэдээлэл болон холбогдох бүртгэлүүд;
  • Та манай харилцагчийн үйлчилгээнд хандах гэх мэт бидэнтэй холбогдох үед цуглуулсан мэдээлэл;
  • Зочдын бүртгэл;
  • Таныг Визагаас ивээн тэтгэсэн арга хэмжээнд оролцох үед цуглуулсан мэдээлэл, тухайлбал танд болон арга хэмжээнд цугларсан бусад хүмүүст зориулсан аялалтай холбоотой мэдээлэл; болон
  • Хэрэглэгчийн баталгаажуулалтад зориулж цуглуулсан өгөгдөл (жишээ нь, нууц үг эсвэл дансны аюулгүй байдлын асуулт) зэрэг таны бидэнд өгдөг бусад мэдээлэл.
• Биометрийн таниулбарууд—Үүнд царай таних өгөгдөл, хурууны хээ, товчлуур дарах хугацаа, гүйлгэх байрлал, зан үйлийн өгөгдөл эсвэл Виза эсвэл түүний үйлчлүүлэгчидтэй биометрийн баталгаажуулалтыг ашиглахаар сонгосон үед гэх мэт бусад физик хэв маяг багтаж болно.
• Бизнесийн хэрэглэгчийн мэдээлэл—Үүнд компанидаа гүйцэтгэх таны үүрэг, бүтээгдэхүүн, үйлчилгээг ашиглах таны зөвшөөрөл, захиалга өгөх эрх зэрэг мэдээлэл багтана; үйлчлүүлэгч/нийлүүлэгчийн мэргэшлийн дэлгэрэнгүй мэдээлэл; харилцаатай холбоотой бидэнтэй хуваалцсан бусад мэдээлэл.
• Таамагласан болон үүсмэл мэдээлэл—Бид харилцаа холбоо болон гүйлгээний мэдээлэлд дүн шинжилгээ хийх замаар өгөгдлийн элементүүдийг дүгнэж, гаргаж авдаг. Жишээлбэл, бид маркетинг, аюулгүй байдал, залилангийн зариулалтаар хандлага, шинж чанар ба/эсвэл оноо үүсгэж болно.
• Онлайн ба техникийн мэдээлэл—Үүнд IP хаяг, төхөөрөмжийн таниулбар, тохиргоо, шинж чанар, сурталчилгааны ID, хайлтын түүх, веб серверийн бүртгэл, серверийн лог бүртгэл, үйл ажиллагааны лог бүртгэл, товчлуур дарах хугацаа, күүки болон ижил төстэй технологи ашиглан цуглуулсан бусад мэдээлэл зэрэг манай вэбсайт, апп эсвэл зар сурталчилгаатай таны харьцсан мэдээлэл орно.
• Аудио болон дүрсний мэдээлэл—Үүнд гэрэл зураг, видео дүрс, хяналтын камерын бичлэг, дуудлагын төвийн бичлэг, дуудлагын хяналтын бүртгэл, дуут шуудан зэрэг бидэнтэй харилцахтай холбоотой аудио, цахим, дүрс болон ижил төстэй мэдээлэл орно.
• Засгийн газраас олгосон таних дугаарууд—Үүнд нийгмийн даатгалын дугаар, жолооны үнэмлэхний дугаар, паспортын дугаар болон хуулийн шаардлага биелүүлэхэд шаардлагатай эсвэл харилцааны шинж чанараас хамааран засгийн газраас олгосон бусад таниулбарууд орно.
• Газарзүйн байршлын мэдээлэл—Үүнд газарзүйн байршлын нарийн мэдээлэл багтах бөгөөд хэрэв та мэдээлэл цуглуулахыг зөвшөөрвөл бид таны хөдөлгөөнт төхөөрөмжөөс автоматаар цуглуулах боломжтой.
• Мэргэжлийн болон Хөдөлмөр эрхлэлтийн мэдээлэл – Үүнд боловсрол, ажлын түүх зэрэг өргөдөл гаргагчийн болон өргөдлийн мэдээлэл зэрэг ажилтнууд болон ирээдүйн ажилтнуудын мэргэжлийн болон ажил эрхлэлт, ур чадвар, итгэмжлэл зэрэг албан тушаалд тавигдах ур чадварын талаарх мэдээлэлтэй холбоотой мэдээлэл орно; мэргэжлийн ашиг сонирхол, зорилго; ажилтны мэргэшлийн талаар цуглуулсан мэдээлэл, тухайлбал хөдөлмөрлөх эрхийн бичиг баримт; болон лавлагаа.
• Нийцлийн мэдээлэл—Үүнд холбогдох хууль тогтоомжийн шаардлагыг биелүүлж байгааг нотлох зорилгоор хөтөлсөн бүртгэлүүд орно; маркетингийн хөтөлбөрт хамрагдах, татгалзах зэрэг хэрэглэгчийн сонголттой холбоотой бүртгэл; өгөгдөл эзэмшигчийн эрхийн хүсэлттэй холбоотой бүртгэлүүд.

Эдгээр ангиллын зарим хувь хүний мэдээлэл нь зарим хууль эрх зүйн хүрээнд хувь хүний нууц мэдээлэл гэж тооцогддог.

Бид тантай харилцах харилцаа, харилцан үйлчлэлээс хамааран янз бүрийн эх сурвалжаас таны талаарх хувь хүний мэдээллийг цуглуулж болно. Эдгээр эх сурвалж нь:

• Таны санхүүгийн байгууллага, төлбөрийн карт гаргагч, КҮБ, картыг төлбөрт хүлээн авагч болон бусад түншүүд таныг Visa брэндийн төлбөрийн бүтээгдэхүүн ашиглах үед эсвэл бид тэдний өмнөөс үйл ажиллагаа явуулж байх үед, тухайлбал, таныг Visa картаа товших үед;
• Та Visa эсвэл хамтран дэмжих түншийн картын холбоосын санал болгож буй хөтөлбөрт хамрагдах, Visa-н товшоод төлөх шийдэлд хамрагдах, эсвэл бидэнд санал асуулгын хариу өгөх зэрэг;
• Та манай платформ, вэбсайт, аппыг ашиглах үед таны компьютер эсвэл төхөөрөмж, эсвэл бид дуудлагын төв рүүгээ ирж байгаа дуудлагыг бүртгэж, өөрийнхөө байгууламжид байгаа хяналтын камер ашиглах үед гэх мэт бусад автомат технологиор дамжуулан; мөн
• Бусад гуравдагч этгээд, үүнд өгөгдөл цуглуулагч, нийгмийн сүлжээний компаниуд болон бусад олон нийтэд нээлттэй эх сурвалжууд. Нэмж дурдахад, Мэргэжлийн болон ажил эрхлэлтийн талаарх мэдээллийг дотоод судалгаа, намтрын шалгалт хийхэд туслах таны лавлагаа болон гуравдагч этгээдээс цуглуулж, Бизнесийн хэрэглэгчийн мэдээллийг ажил олгогч, үзэсгэлэн, хурал зохион байгуулагчид, мэргэжлийн үйлчилгээний компаниудаас цуглуулж болно.

“Өдөр тутмын бизнесийн зорилго” нь дараах бизнесийн зорилго болон хувь хүний мэдээллийг ашиглаж болох холбогдох зорилгыг агуулдаг:

• Хувь хүний ​​хүссэн эсвэл хувь хүний мэдээллийг цуглуулсан нөхцөл байдлыг харгалзан үзэх үндэслэлтэйгээр хүлээгдэж буй мэдээлэл, бүтээгдэхүүн, үйлчилгээг хангах (хэрэглэгчийн итгэмжлэл олгох, хэрэглэгчийн үйлчилгээ үзүүлэх, хэлцэл болон гэрээ байгуулах, хувийн тохиргоо болон сонголтын удирдлага, бүтээгдэхүүний шинэчлэлтээр хангах, алдаа засах эсвэл эргүүлэн татах, маргаан шийдвэрлэх гэх мэт);
• Таниулах, итгэмжлэлийн менежмент, түүний дотор хэн болохыг баталгаажуулах, баталгаажуулалт, систем, технологийн удирдлагын хувьд;
• Систем, сүлжээ, апп болон өгөгдлийн аюулгүй байдал, бүрэн бүтэн байдлыг хамгаалах, үүнд хамгаалалтын аюулыг илрүүлэх, шинжлэх, шийдвэрлэх, тулгарч буй аюулын талаар кибер аюулгүй байдлын төв, консорциум, хууль сахиулах байгууллагатай хамтран ажиллах;
• Залиланг илрүүлэх, урьдчилан сэргийлэх зорилгоор;
• Мөнгө угаахтай тэмцэх хөтөлбөр, аюулгүй байдал, ослын хариу арга хэмжээний хөтөлбөр, оюуны өмчийг хамгаалах хөтөлбөр, компанийн ёс зүй, нийцлийн тусгай утас зэрэг хуулийн дагуу шаардлагатай эсвэл компанийн бодлого, журмыг дагаж мөрдөхөд үндэслэлтэйгээр шаардагдах хувь хүний мэдээллийн бүх хэрэглээ, түүнийг ил болгох зэрэг хууль эрх зүйн болон зохицуулалтын нийцэлд;
• Корпорацийн аудит, удирлага, санхүү болон нягтлан бодох бүртгэлийн дүн шинжилгээ, тайлагнал;
• Гэрээгээ хэрэгжүүлэх, гэмтэл, хулгай, хуулийн хариуцлага, залилан, зүй бус үйлдлээс хамгаалах, хүмүүс болон эд хөрөнгийг хамгаалах, үүнд объектын аюулгүй байдлын хөтөлбөрүүд;
• Тайланг нэгтгэх, судалгаа эсвэл дүн шинжилгээ хийх зорилгоор өгөдлийг үл таниулах, хувийн биш болгох, нэргүй болгох, нэгтгэсэн өгөгдлийн багц үүсгэх;
• Бизнесийн залгамж чанарыг хангах, гамшгаас хамгаалах зорилгоор нөөц хуулбар гаргах; болон
• Компанийн засаглалд, үүнд компани хоорондын нэгдэл, татан буулгах гэх мэт.

Бид таны хувь хүний мэдээллийг дараах этгээдүүдэд ил болгож болно:

• Манай салбар компаниуд;
• Манай үйлчилгээ үзүүлэгчид бидэнд үйлчилгээ үзүүлэх зорилгоор;
• Таны төлбөрийг идэвхжүүлэх, залилан, эрсдэлийг удирдах, бүтээгдэхүүн, үйлчилгээгээр хангах, хөгжүүлэх, манай Өдөр тутмын бизнесийн зорилгыг дэмжих зорилгоор зохих нууцлал болон ашиглалтын хязгаарлалтад хамаарах санхүүгийн байгууллагууд, КҮБ, төлбөр боловсруулагч болон бусад гуравдагч этгээдүүд;
• Хуурамч гүйлгээг илрүүлэх, урьдчилан сэргийлэхэд бидэнд туслах гуравдагч талууд. Хуурамч гүйлгээг илрүүлэх, урьдчилан сэргийлэхэд бидэнд тусалдаг гуравдагч талуудын залилангийн үйлчилгээ үзүүлэгчид; мөн тэд таны хувийн мэдээллийг ашиглах үүрэгтэй бөгөөд үүнийг өөрсдийн мэдэгдэлд заасан зорилгоор ашиглах болно;
• Гуравдагч этгээд, тухайлбал, күүки болон үүнтэй төстэй хэрэгслээр цуглуулсан өгөгдлийг манай онлайн сурталчилгааны хөтөлбөрт туслах зорилгоор ашиглаж болох гуравдагч этгээдийн зар сурталчилгааны түншүүд;
• Төрийн байгууллагууд;
• Ажилд зуучлах агентлагууд болон таны лавлагаа (Мэргэжлийн болон ажил эрхлэлтийн мэдээллийн хувьд); болон
• Танай компани болон түүний харьяа байгууллагууд (Бизнесийн хэрэглэгчийн мэдээллийн хувьд).

Бид мөн хуулийн дагуу шаардлагатай бол хууль сахиулах байгууллага, зохицуулагч, шүүх зэрэгт эсвэл бид бизнесийн хөрөнгөө худалдах, шилжүүлэх, гэрээгээ хэрэгжүүлэх, өөрийн өмч, бусдын эрх, өмч, аюулгүй байдлыг хамгаалах үед хуулиар зөвшөөрсөн тохиолдолд, эсвэл аудит хийх, хуулийн шаардлага биелүүлэх, компанийн засаглалд шаардлагатай үед хувь хүний мэдээллийг задруулж болно.

Тодорхой улсуудад Visa нь Товшоод төлөхөөр дамжуулан хялбар, тууштай бөгөөд аюулгүй онлайн төлбөр тооцоог боломжтой болгодог. Үүнийг танд Visa шууд эсвэл Үйлчилгээ үзүүлэгчээс картын онцлог болгон санал болгож болно.

Хэрэв таны үйлчилгээ үзүүлэгч банк энэ үйлчилгээг өөрийн нөхцлийн дагуу үзүүлж байгаа бол дэлгэрэнгүй мэдээллийг нууцлалын мэдэгдлийг харна уу.

Хэрэв Visa энэ үйлчилгээг танд үзүүлдэг бол та Visa-н үйлчилгээний нөхцөлийг хүлээн авсан байна. Мөн та Visa Товшоод төлөх хэрэглэгчийн портал дээр өөрийн профайлд хэдийд ч хандаж болно.