Зарим улсуудад Виза нь Картын гүйлгээний мэдээллийг боловсруулж, компаниуд маркетингаа сайжруулах зорилгод зориулж хэрэглэгч хэн болохыг нь таниулахгүйгээр хэрэглэгчийн хэрэглээний болон маркетингийн мэдээлэл төдийгүй бусад мэдээллийг эргэлтэд оруулдаг. Энэ нь компаниудад өөрийн хэрэглэгчийн хүрээгээ тодорхойлоход нь тустай байдаг. Жишээ нь нэг дүүрэгт хэрэглэгчид бусад дүүрэгтэй харьцуулбал авто машины сэлбэг хэрэгсэлд илүү их мөнгө зарцуулж байгааг маркетингийн мэдээ харуулж болно. Эдгээр бүтээгдэхүүнүүд нь компаниудад маркетингийн үйл ажиллагааныхаа үр дүнг тодорхойлоход тусалдаг.

Визагийн маркетингийн шийдэл нь Хувь хүний мэдээллийг агуулдагүй боловч компаниудад өөрийн хэрэглэгчдийн хүрээг зорилтот маркетинг хийх боломжтойгоор тодорхойлоход тусалдаг.

Та өөрийн Картын гүйлгээний мэдээллийг Визагийн маркетингийн шийдэлд зориулж ашиглуулахыг хүсэхгүй байгаа бол энд дарж хэрхэн татгалзан гарах тухай мэдэж аваарай.

Хэрэв та эзнийг нууцалсан зах зээлийн мэдээнд оролцохгүй гэж зааж өгсөн бол энэ нь таны картын дугаарыг Виза маркетингийн мэдээний зорилгоор ашиглахгүй байхад л нөлөөлнө. Мэдээллийг Виза бусад бизнесийн үйл ажиллагаанд ашиглахад энэ нь саад болохгүй бөгөөд үүнд нэн ялангуяа дараах хамаарна.

• Мөнгөн гүйлгээг гүйцэтгэхэд
  
• Эрсдэл, залилангаас сэргийлэх
  
• Манай системийг ажиллуулах, хөгжүүлэх
  
• Манай бизнесийн тухай мэдээлэх
  
• Манай бусад бүтээгдэхүүн, үйлчилгээг бий болгох, санал болгох,
• Карт олгосон газар, эквайрэр байгууллага, худалдаачид болон хамтран сурталчилж байгаа картын түншүүд зэрэг бусад Виза системийн оролцогчдод мэдээлэл өгөх.
  

Үүний дээр энэхүү татгалзал нь танд карт олгосон санхүүгийн байгууллагын танд үзүүлэх үйлчилгээнд ямар нэг нөлөө үзүүлэхгүй. Мэдээллээ ашиглуулахтай холбоотой шийдвэр, сонголтоо та өөрийн санхүүгийн байгууллагатай холбоо барьж мэдэгдэнэ үү.

Картын дугаар нь зөвхөн танд зориулсан давтагдашгүй зүйл биш бөгөөд дахин ашиглаж болох тул таны татгалзал нь таван жилийн хугацаанд хүчинтэй байна. Таван жилийн дараа таны картын дугаар өөрчлөгдөөгүй бол та өөрийн картын дугаараа дахин оруулах хэрэгтэй болно. Таны картын дансны дугаар аливаа нэг шалтгаанаар өөрчлөгдсөн бөгөөд та шинэ картын дугаараа татгалзсан бүртгэлд оруулахыг хүсвэл та шинэ картын дугаараа дахин оруулах шаардлагатай болно. Татгалзахыг хүсвэл энд дарна уу.