Виза Хууль зүй

Энэхүү журмыг шинэчилсэн мэдээ илгээх замаар Виза шинэчлэх эрхтэй. Та энэхүү шинэчлэлийг дагах үүрэгтэй ба хүчин төгөлдөр дүрэм журамтай тухай бүр танилцаж байхыг танд зөвлөж байна.

Виза Олон Улсын Үйлчилгээний Холбоо нь www.Visa.com болон таны хувь хүний мэдээлэл, үзвэр, зугаа цэнгэлд зориулсан ба холбогдох хуудсуудыг хариуцдаг. Мэдээлэл олж авах, буулгаж авах болон бусад байдлаар Виза вэб хуудсыг чөлөөтэй ашиглаарай. Үүний зэрэгцээ та Виза вэб хуудаст нэвтэрснээр дараах дүрэм журам, холбогдох бүх хууль тогтоомжийг баримтлах ёстой гэдгийг анхаарна уу. Виза вэб хуудаст нэвтэрч ашигласнаар та энэхүү дүрэм журмыг ямар нэг хязгаарлалт, онцгой боломжгүйгээр хүлээн зөвшөөрч байгаа ба маргаан үүссэн үед та Визатай тохиролцож болох аливаа тохиролцоонд энэ журмуудыг баримтална гэдгийг зөвшөөрч байна. Та энэхүү дүрэм журмыг хүлээн зөвшөөрөхгүй бол Виза хуудсыг ашиглах хэрэггүй.

Үүний дээр Виза АНУ-ын вэб хуудас нь үүнд тохирсон хувийн мэдээлэл хамгаалах бодлоготой болохыг анхаарна уу. Бусад улс эсвэл бүс нутгийн вэб хуудаст эсвэл Виза АНУ өмчилж эсвэл ажиллуулж байгаа бусад вэб хуудаст зочлохдоо та хуудас бүрд ногдох хувийн мэдээлэл хамгаалах бодлогыг унших хэрэгтэй. Учир нь үүнд ялгаатай нөхцөл болзол тавьж магадгүй.

Виза вэб хуудаст нэвтрэх, ашиглахад олон улсын, холбооны улсын, гишүүн улсын, орон нутгийн холбогдох бүх хууль тогтоомж, дүрэм журмыг дагаж мөрдөнө. Тусгайлан зааж өгснөөс бусад үед та Виза вэб хуудаст тавьсан материалыг хувийн, ашгийн төлөө бус зорилгоор татаж авч болно. Визагаас эсвэл холбогдох шаардлагатай гуравдагч талаас бичгээр зөвшөөрөл авахгүйгээр Visa вэб хуудаст тавигдсан агуулга, материалыг олон нийтэд зориулж эсвэл ашиг олох зорилгоор тарааж, өөрчилж, хуулбарлаж, нийтэлж, шилжүүлж, үзүүлж, худалдаж, лицензэлж, ашиглаж, дахин ашиглаж эсвэл үүсмэл бүтээл хийхэд ашиглаж болохгүй. Татаж авсан эсвэл хуулбарлаж авсан материалын холбогдох зохиогчийн эрхийн болон өмчлөгчийн бүх мэдэгдлийг та хадгалах ёстой. Виза вэб хуудаснаас авсан, аливаа зорилгоор бусдад өгсөн материалыг ийм анхааруулга, дүрмийн хамт байлгана. Виза вэб хуудсыг болон үүнийг ажиллуулах сервер эсвэл сүлжээг гэмтээх, саатуулах боломжтой хэлбэрээр болон энэхүү вэб хуудсыг хэн нэгэн ашиглахад саад болох эсвэл ийм санаатайгаар та Visa вэб хуудаст нэвтэрч эсвэл хуудсыг ашиглаж болохгүй.

Онцгойлон дурдсанаас бусад тохиолдолд Виза хуудсанд агуулагдсан бүх зүйлс зохиогчийн эрхээр хамгаалагдсан гэж үзэх ёстой тул дүрэм журамд зааснаас гадуур эсвэл Визагийн болон Виза шаардлагатай гэж үзсэн аливаа гуравдагч талын бичгээр өгсөн зөвшөөрөлгүйгээр энэ зүйлсийг хэрэглэж болохгүй. Энэхүү хуудаст холбогдож болон энэхүү вэб хуудаст байгаа хэрэглээ, үйлчилгээний хувьд нэг эсвэл түүнээс олон патент үйлчилнэ. Үүнд нэн ялангуяа дараах багтана. АНУ-ын патентын № 6,091,956, холбогдох бусад зүйлс. Виза вэб хуудсанд үзүүлсэн аливаа материалыг та ашиглах нь гуравдагч этгээдийн эрхийг зөрчихгүй гэсэн баталгааг Виза гаргахгүй бас төлөөлөхгүй. Виза хуудаст заасан аливаа бүтээгдэхүүн, үйлчилгээ, программ, технологи нь Визагийн өмчлөлийн бусад оюуны өмчийн эрхээр (зохиогчийн эрх, барааны тэмдэг, патентийн эрхийг оруулж) хамгаалагдсан байж магадгүй. Энд шууд зааж зөвшөөрөл өгөөгүй бол аливаа эрх нь Визад хадгалагдана.

Виза вэб хуудаст оруулсан хүн, газрын зураг нь Визагийн өмчлөлийнх буюу холбогдох зөвшөөрлийг авсан зүйлс юм. Дүрэм журамд шууд зааж өгсөн эсвэл Виза вэб хуудаст онцгойлон зааж өгснөөс бусад тохиолдолд зургийг та болон аливаа гуравдагч тал ашиглах эрхгүй. Энэхүү зургийг зөвшөөрөлгүй ашиглах нь зохиогчийн эрх, барааны тэмдэг, хувь хүний зургийн эрх болон бусад холбогдох хууль, дүрмийг зөрчсөн үйлдэл болж магадгүй.

Виза нь Виза вэб хуудаст нийтэлсэн аливаа баримт бичигт орсон бүтээгдэхүүн, үйлчилгээ, программ, технологи нь Visa-ийн өмчлөлийн бусад оюуны өмчийн эрхийн зүйл байж магадгүй. Энд шууд зааж зөвшөөрөл өгөөгүй бол аливаа эрх нь Визад хадгалагдана.

Визад холбогдолгүй барааны тэмдэг, зохиогчийн эрх нь холбогдох өмчлөгчдийн өөрсдийнх нь өмч болно.

Бүртгүүлсэн болон бүртгүүлээгүй эсэхээс үл хамаарч барааны тэмдэг, лого, үйлчилгээний тэмдэг (эдгээрийн "Барааны тэмдэг" гэнэ) нь Визагийн болон бусад этгээдийн барааны тэмдэг байна. Гурван брэндийн дизайн, "It's Everywhere You Want To" нь Визагийн Америкийн Нэгдсэн Улс болон бусад оронд бүртгэгдсэн барааны тэмдэг юм (Виза вэб хуудаст заасан барааны тэмдгийн тэмдэглэгээ нь Нэгдсэн Улсын холбооны бүртгэлийн мэдээллийг агуулна). Виза вэб хуудаст заасан аль ч зүйлсийг Визагийн бичгэн зөвшөөрөлгүйгээр эсвэл барааны тэмдгийг өмчлөгч гуравдагч талын бичгээр өгсөн зөвшөөрөлгүйгээр Виза хуудаст байгаа барааны тэмдгийг ашиглах боломж, эрх, бусад зөвшөөрөл мэтээр ойлгож болохгүй. Виза хуудаст оруулсан аливаа барааны тэмдэг, агуулгыг буруугаар ашиглахыг хориглоно. Виза нь өөрийн оюуны өмчийн эрхийг иргэн болон эрүүгийн процессын шугамаар идэвхтэй хэрэгжүүлдэг.

Таны хувь хүний мэдээллээс (Хувийн мэдээлэл хамгаалах бодлогод заасан) бусад таны Визад цахим хэлбэрээр эсвэл өөр байдлаар илгээсэн зүйлс, материалыг буюу дата, асуулт, тайлбар, санал эсвэл өгсөн зүйл гэх мэтийг хувийн мэдээлэл хамгаалах бодлого, журамд өөрөөр зааснаас бусад тохиолдолд нууцлахгүй, өмчлөлийн бус зүйл гэж үзнэ. Виза АНУ вэб хуудас нь үүнд тохирсон хувийн мэдээлэл хамгаалах бодлого, журамтай болох тул өөр журам үйлчилж болохыг анхаарна уу.

Таны Визад илгээсэн аливаа зүйлийг Виза нь дахин боловсруулах, шилжүүлэх, нийтлэх, танилцуулах, цацах болон илгээх гэх мэтээр аливаа зорилгоор ашиглаж болно. Visa.com-д материал илгээснээр та үүнийг буцааж шаардах эрхгүйгээр Визад шилжүүлсэн ба ийм материалд холбогдож ямар нэг зохиогчийн эрх, "ёс зүйн" эрх эсвэл бусад эрхийг шаардахгүй гэдгээ хүлээн зөвшөөрнө. Та Виза вэб хуудаст хандах үедээ өгсөн аливаа санаа, концепц, техник, ноу-хау-г Виза аливаа зорилгоор, нэн ялангуяа бүтээгдэхүүн, үйлчилгээ хөгжүүлэх, бүтээх, сурталчилах аливаа нэг үүрэг хүлээхгүйгээр чөлөөтэй хэрэглэх эрхтэй.

Виза вэб хуудсыг хэрэглэснээр таны тухай болон таны Виза вэб хуудсын хэрэглээний тухай зарим нэг мэдээллийг та өөрөө өгөх буюу Виза үүнийг цуглуулж болно. Хувийн мэдээлэл хамгаалах бодлого, журмыг харгалзан үзэж Виза нь ийм мэдээллийг тохиромжтой гэсэн аливаа зорилгоор ашиглах эрхтэй.

Виза хуудаст холбогдох мэдээлэл, үзүүлэх үйлчилгээ нь "танилцуулсан байдлаар" байх ба хангалттай чанар, үнэн зөв байх эрсдэл нь хэрэглэгчийн талд байна. Энэ нь хэдийгээр Виза нь байнга шинэчлэгдэх үнэн зөв мэдээлэл хүргэх зохих ёсны чармайлтыг гаргаж байгаа хэдий ч үнэн зөв эсэх талаар Виза баталгаа гаргахгүй гэсэн үг юм. Виза вэб хуудаст заасан аливаа мэдээлэл, санал болгосон үйлчилгээ нь худалдагдах, үнэн зөв гэж, ийм мэдээлэл буюу үйлчилгээ нь таны аливаа нэг зорилго, хэрэгцээг хангана гэж эсвэл ийм мэдээлэл буюу үйлчилгээ нь гуравдагч этгээдийн эрхийг зөрчихгүй гэсэн баталгааг Виза нь шууд болон дам байдлаар гаргаагүй. Виза нь урьдчилан мэдэгдэхгүйгээр Виза вэб хуудаст заасан аливаа мэдээлэл, бүтээгдэхүүн, үйлчилгээ, хөтөлбөр, технологид тодорхой хугацаанд нэмэлт, өөрчлөлт, сайжруулалт хийж болно. Виза нь Виза хуудаст байгаа аливаа алдаа, дутуу мэдээлэлд ямар нэг хариуцлага хүлээхгүй.

Та Виза хуудсыг ашиглах үед гарах эрсдэлийг өөрөө хариуцна. Та Виза хуудаст нэвтэрсэн, ашигласан, итгэснээс улбаалж гэм хор үүссэн бөгөөд гэм хор үүсэх боломжийг Виза мэдэж байсан эсэхээс үл хамаарч Виза болон Виза вэб хуудасны загвар гаргасан, хийсэн, бүтээсэн аливаа талууд нь хуулиар зөвшөөрсөн боломжит бүх хүрээнд аливаа шууд, шууд бус, тохиолдлын, үр дагаврын, шийтгэх хохирол нөхөн төлөх гэм хорыг хариуцахгүй (үүнд алдагдсан орлого, холбогдох үйлчилгээг үзүүлэх зардал, алдагдсан боломж гэх мэт багтана). Өмнөхийг үгүйсгэхгүйгээр Виза нь таны компьютер хэрэгсэл эсвэл та Виза хуудаст нэвтэрсэн, хуудсыг ашигласан, хуудаснаас татаж авснаас улбаалж аливаа өмч вирусын халдлагад өртсөнтэй холбоотой гэм хорыг Виза хариуцахгүй гэж үзнэ. Виза нь өөрийн Виза вэб хуудаст байнгын, тасралтгүй, аюулгүй нэвтрэх боломжийг олгох баталгаа өгөхгүй.

Виза нь өөрийн хуудаст холбоотой бүх хуудаснуудыг нэг бүрчлэн шалгаагүй бөгөөд тухайн линк бүхий хуудаст байгаа материалд Виза ямар нэг чанарын баталгаа гаргаж, үнэлгээ өгөөгүй болно. Виза вэб хуудастай холбоотой аливаа вэб хуудасны агуулгатай холбогдож Visa хариуцлага хүлээхгүй. Аливаа холбоотой хуудаст холбогдох эрсдэлийг та өөрөө хариуцна.

Виза хуудас дахь ихэнх мэдээлэл нь олон улсад холбогдох боловч ихээхэн хэмжээний мэдээлэл нь зөвхөн тодорхой улс, бүс нутагт хамаарна. Жишээ нь хэрэв дараахыг Виза вэб хуудаст байгаа мэдээлэлтэй холбоотой олж үзвэл.

“Энэхүү хуудас дахь мэдээлэл нь Америкийн Нэгдсэн Улсад байгаа компаниудад холбогдоно.”

ийм үед хуудас дахь мэдээлэл нь зөвхөн Америкийн Нэгдсэн Улсад байгаа компаниудад зориулагдсан гэсэн үг. Хэдийгээр Виза нь аль мэдээлэл аль улс, бүс нутагт хамаарахыг зааж өгөхийг тулд холбогдох мэдэгдлийг хийх замаар хүчин чармайлт гаргаж байгаа ч энэ нь ийм мэдэгдэлгүй мэдээлэл нь олон улсын чанартай гэсэн үг биш бөгөөд ийм баталгаа байгүй. Та Виза хуудаст байгаа мэдээлэл танд болон танай байгууллагад холбогдох эсэхийг шалгаж үзэх хэрэгтэй. Та Америкийн Нэгдсэн Улсад зориулсан мэдээллийг олж уншиж байна гэдэг нь Нэгдсэн Улсаас гадуурх улс, бүс нутагт тухайн мэдээлэл ач холбогдолтой байна, байх болно гэсэн үг биш.