Өмчийн менежерт зориулсан Виза картыг төлбөрт хүлээн авах

Өмчийн эзэд болон менежерүүдийн хувьд Виза электрон төлбөрийг хүлээн зөвшөөрөх нь зүй ёсны хэрэг юм. Чекээс ялгаатай нь Виза гүйлгээнүүд илүү хурдан гүйцэтгэгдэж, боловсруулагдана. Цаашилбал, түрээслэгчид картын төлбөр тооцоо хийхийг илүүд үзэх тул энэ нь харилцан ашигтай¹. Энгийн гүйлгээний дүрмийг мөрддөг тохиолдолд Виза картыг төлбөрт хүлээж авдаг КҮБ төлбөрөө 24-48 цагийн дотор баталгаатай авна. Харин чекийн төлбөрийг хүлээн авах хүртэл таван хоног ч болж болно.

Виза картыг төлбөрт хүлээн авснаар танай түрээслэгчид төлбөрөө илүү хялбар төлөх болно. Үүнээс гадна дараах ач холбогдолтой:

Мөнгөн хөрөнгийн урсгал сайжирна. Чек замдаа болон илгээхэд хугацаа орно. Виза төлбөр гүйцэтгэл нэн даруй хийгдэх тул мөнгийг илүү хурдан ашиглах боломжтой.

Хэрэглэгчид Визагаар төлбөр төлснөөр та мөнгө, хугацаа хэмнэж, чек буцах талаар хэзээ ч санаа зовох хэрэггүй болно. Түүнчлэн чекэнд боловсруулалт хийхэд зарцуулдаг хугацаагаа ч хэмнэнэ. 2012 оны судалгаанаас харахад АНУ-ын судалгаанд оролцсон картыг төлбөрт хүлээж авдаг байгууллагуудын 69% нь бэлэн мөнгөний менежментийн үйл явцынхаа аль нэг хэсэгт сайжруулалт мэдэрсэн байна².

Хэрэглэгчийн сэтгэл ханамж, үнэнч хэрэглээ дээшилсэн. Түрээслэгчид картаар төлбөр төлөхийг хүсч магад. Өрсөлдөгч тань магадгүй хэдийнээ энэ боломжийг санал болгож байгаа.

Түрээслэгчдэд урамшууллын оноо цуглуулах боломж олгоно. Зайн болон онооны урамшууллын хөтөлбөрт хамрагдаж буй түрээслэгчид Визагаар төлбөр хийснээр илүү хурдан урамшуулал хүртэнэ.

¹ Эх сурвалж: BEA-ээс PCE худалдан авалт, Нилсон #939, Хөрөнгийн биржийн бүртгэлтэй аж ахуйн нэгжийн SEC хэргүүд

² Эх сурвалж: 2012 Виза жижиг бизнес бэлэн мөнгөний менежментийн судалгаа

Давтагдах төлбөрүүдийг автоматжуулах

Виза картыг төлбөрт хүлээж авах чадварын өөр нэг давуу тал нь давтагдах төлбөрт тохируулга хийж сар бүр авах төлбөрийг хялбарчлах юм. Таны карт хүлээн авагч банк таныг дансны шинэчлэгдсэн мэдээллийг түрээслэгчийн картын мэдээлэл шинэчлэгдэх бүрт автоматаар цахимаар хамгаалалтын дор солилцох боломж олгох үйлчилгээ болох Виза данс шинэчлэгчид (ВДА) бүртгүүлэх боломжтой.

Виза данс шинэчлэгчийн талаар илүү ихийг мэдэх

Өмчийн менежментийн ирээдүйд хөрөнгө оруулсан

Бидний аюулгүй, найдвартай гүйлгээ хийсээр байх үүрэг амлалт маань Виза өмчийн менежерүүдэд дэмжлэг үзүүлж, шинэ түрээслэгчдийг татан, үйл ажиллагааг нь сайжруулж буй нэг арга хэлбэр юм. Түүнчлэн Виза шинэ бүтээгдэхүүн болон технологид инновац хийж боломжит төлбөрийн хувилбаруудыг өргөжүүлж байдаг. Үүнд бидний цахим төлбөрийн үйлчилгээ Visa Checkout гэх мэт хөдөлгөөнт төлбөр, аюулгүй байдлыг давхар хангах чип картуудын санаачилга багтана. Виза нь аялал жуулчлалын үйлчлүүлэгчид сэтгэл хангалуун байх шинэ, сайн аргуудыг хувьсан өөрчлөгдөх төлбөр, гүйлгээний орчинтой хөл нийлүүлэн таны бизнест зориулж санал болгох болно гэдэгт та итгэлтэй байж болно.

Виза Checkout

Виза чип картууд