Аюулгүй Онлайн Худалдан Авалт

Verified by Visa (Виза Компаний Баталгаажуулсан) тул санаа бүү зовоорой

Аюулгүй Онлайн Худалдан Авалт

Verified by Visa нь худалдан авагчид онлайн худалдааг сэтгэл амар хийх боломжийг олгодог. Энэ нь нууц үгээр хамгаалагдсан баталгаажуулах систем бөгөөд Виза картыг онлайн худалдаанд ашиглах үед карт эзэмшигчийн мэдээллийг баталгаажуулах зорилготой.

Зөвхөн карт эзэмшигч л мэдэх нууц үгийг оруулахыг шаардсанаар банк тухайн картны жинхэнэ эзэмшигч картын мэдээллийг цахим худалдааны вэб хуудаснаа оруулж буйг баталгаажуулах юм. Нууц үгийг та өөрөө сонгож, санаж явах боломжтой байж болно. Эсвэл энэ нь онлайн төлбөр хийх үед банкнаас гар утасны мессежээр илгээх код байж болно. Энэ нь залилангийн шинжтэй гүйлгээнээс урьдчилан сэргийлэхэд тусалж, ялангуяа Виза компанийн санал болгож буй бусад аюулгүй хамгааллын аргуудтай хослуулан ашигласан тохиолдолд төлбөр тооцооны үйл явцад оролцогч бүхий л талуудад сэтгэл амар байх боломж олгоно.

Хэрхэн ажилладаг тухай

An image of a hand holding a payment card in front of a laptop, used for safe online shopping.

Бүртгүүлэх

Та Виза картыг олгосон банкаараа дамжуулан Verified by Visa-д хэдхэн хормын дотор бүртгүүлж болно. Verified by Visa-г идэвхжүүлснээр бүх хэрэгжүүлэгч онлайн дэлгүүрт таны аюулгүй худалдан авалтыг хангана. Хэрэгжүүлэгч КҮБ-д онлайн худалдаа хийхэд таны картыг Verified by Visa-гаар хамгаалагдсан болохыг шууд танина.

An image of a phone with bank details on the screen, representing a secure online shopping transaction.

Нэг удаагийн нууц үг

Verified by Visa цонхонд та өөрийгөө нотлох Verified by Visa нууц үг эсвэл танд илгээгдсэн нэг удаагийн нууц үгийг оруулна.

Баталгаажуулалт

Verified by Visa (Визa компаний баталгаажуулсан) кодоо оруулсны дараа хэвийн гүйлгээний адил дараагийн алхмуудыг үргэлжлүүлнэ. Карт эрхлэгч таны мэдээллийг баталгаажуулж, амжилттай баталгаажсан тохиолдолд гүйлгээ хийгдэнэ.

Асуулт, хариулт

: Карт гаргагч байгууллага тус үйлчилгээг үзүүлдэг тохиолдолд та Визагийн аль ч картыг бүртгүүлэх боломжтой.
: Карт гаргагч тань Verified by Visa үйлчилгээг үзүүлдэг тохиолдолд бүх картаа бүртгүүлсэн ч болно.
: Картаа хэрхэн бүртгүүлэх талаар карт гаргагч байгууллагадаа хандана уу. Карт гаргагчийн цахим хуудас дээр онлайнаар бүртгүүлэх эсвэл мессеж илгээх замаар хялбархан бүртгүүлэх боломжтой байж болно.
: Verified by Visa-г та хоёр хоёул ашиглах боломжтой. Тус тусын нууц үг зохион бүртгүүлж болно. Виза дансыг Verified by Visa-д бүртгүүлсний дараа бүх карт эзэмшигчид хэрэгжүүлэгч онлайн дэлгүүрт худалдаа хийхийн өмнө өөрсдийн нууц үгийг бүртгүүлэх хэрэгтэй.
: Verified by Visa-д зөвхөн Виза карт бүртгүүлэх боломжтой.
: Карт гаргагчийн зүгээс бүртгэл амжилттай болсныг баталгаажуулсан даруйд Verified by Visa-гийн нэмэлт хамгаалалт идэвхижнэ. Дийлэнх карт гаргагчдын хувьд худалдан авалт хийх явцад даруй хийгддэг тул Verified by Visa-г шууд ашиглах боломжтой.
: Verified by Visa-г онлайн худалдан авалт хийх явцдаа хэрхэн ашиглах талаарх дэлгэрэнгүй мэдээллийг Verified by Visa онлайн худалдан авалтын тухай видео бичлэгээс үзэх боломжтой. Энд дарж бичлэгийг үзнэ үү.
: Үгүй. Та интернэтэд холбогдсон, ямар нэг браузер ашигладаг байхад л болно. Ихэнх вэб браузерт Verified by Visa нийцсэн байдаг.
: Та интернэтэд холбогдсон, ямар нэг браузер ашигладаг байхад л болно. Ихэнх вэб браузерт Verified by Visa нийцсэн байдаг.
: Verified by Visa-д бүртгүүлсний дараа зарим карт гаргагч байгууллага танаас хувийн баталгаа мессеж буюу хувийн мессеж зохиохыг шаардаж болно. Та онлайн төлбөр хийх үедээ өөрийн зохиосон хувийн мессежийг олж харснаар карт гаргагч байгууллага таныг баталгаажуулж буйг бататгах юм.
: Хэдийгээр Verified by Visa нь интернэтэд холбогдсон хөдөлгөөнт төхөөрөмж дээр ашиглагдах боломжтой ч зарим нэг карт гаргагч л ийм үйлчилгээ үзүүлж байгаа. Тиймээс карт гаргагч байгууллагаасаа тодруулаарай.
: Хэрэгжүүлэгч онлайн дэлгүүрүүдэд Verified by Visa гэсэн тэмдгийг хайгаарай.
: Хэрэгжүүлэгч онлайн дэлгүүрүүд Verified by Visa-д бүртгүүлсэн Виза картын дугаарыг автоматаар таньж тогтоох болно.
: Нууц үгээ мартсан тохиолдолд карт гаргагч байгууллагын харилцагчийн үйлчилгээний хэсэгт хандан нууц үгээ сэргээнэ.
: Виза карт гаргагч байгууллагадаа нэн даруй хандана уу.
: Үгүй. Гэхдээ илүү олон дэлгүүрүүд Verified by Visa-г нэвтрүүлсээр байна. Таны итгэлийг хүлээсэн онлайн дэлгүүр тус үйлчилгээнд нэгдээгүй байгаа бол бидний онлайн худалдан авалтын зөвлөмжийг дагаж, нөхцөл байдлыг өөрийн мэдрэмжээр дүгнэж хандахыг зөвлөе.

Худалдан авалтын зөвлөмж

Verified by Visa-д бүртгүүлэх - Verified by Visa нь танд онлайн худалдан авалт хийхдээ нууц үг эсвэл код ашиглах боломжийг олгодог. Энэ нь Виза картыг хамгаалах үйлчилгээ бөгөөд зөвхөн та л өөрийн картыг ашиглах нэмэлт баталгаа юм. Зарим карт гаргагч байгууллагууд хэдийнээ өөрсдийн картаа Verified by Visa-д урьдчилан бүртгүүлсэн байх боломжтой. Дэлгэрэнгүй мэдээллийг карт гаргагчаас авна уу.
Хамгаалагдсан вэб хуудсаар зочлох - Өөрийн зочилж буй вэб хуудас эсвэл онлайн дэлгүүрийн URL хаягийн "http"-ийн ард "s" байгаа эсэхийг шалгах.
Нууц үгээ нууцлах - Зарим онлайн дэлгүүр худалдан авалт хийхийн өмнө хэрэглэгчийн нэр, нууц үг зохиохыг шаарддаг. АТМ кодоо нууцалдгийн нэг адил Verified by Visa нууц үгээ нууцлах хэрэгтэй.
Харьцуулаад худалдан авах – Онлайн дэлгүүрүүдийн бүтээгдэхүүн, үнийг хооронд харьцуулж байгаад худалдан авалт хий.
Картын мэдээллээ хамгаалах - Зөвхөн худалдан авалт хийхдээ л картын мэдээллээ өгөх хэрэгтэй. Өөр бусад ямар ч шалтгаанаар мэдээллээ задруулж болохгүй.
Хүргэлтийн болон буцаах журамтай танилцана уу - Онлайн гүйлгээ хийхийн өмнө онлайн дэлгүүрийн цахим хуудаснаа байршуулсан хүргэлтийн болон буцаах нөхцөлтэй танилцана уу. Буцааж болох эсэх, зардлыг нь хэн хариуцах зэргийг тодруулна уу.
Төлбөрийн мэдээллийг хэзээ ч и-мэйлээр бүү илгээ - Интернэтээр (тухайлбал и-мэйлээр) дамжсан мэдээлэл гадны этгээд уншихаас бүрэн хамгаалагдаагүй байдаг. Ихэнх нэр хүнд бүхий итгэмжит КҮБ-ууд нууцлалын технологи ашиглан таны хувийн мэдээлэлд онлайн гүйлгээний үед гадны этгээд халдахаас хамгаалдаг.
Гүйлгээний мэдээллээ хадгална уу - Дэлгүүрийн баримтыг хадгалдагтай адилаар онлайн худалдан авалтын баримтаа хадгалж бай. Захиалгын баталгаажуулалтыг хэвлэх буюу хадгалах замаар гүйлгээг нягталж бай.
Өөрийн дансны сар бүрийн хуулгыг хянаж бай - Ялангуяа гадаадад аялсны дараа дансны хуулгаа нягтлан шалгаж бай. Бага гэлтгүй бүх гүйлгээг шалгаж бай. Учир нь гэмт этгээдүүд алдагдсан дансыг шалгахдаа том биш хямд төсөр худалдан авалт хийдэг. Залилангийн үйл ажиллагаа нэмж даамжрахаас өмнө сэжиг бүхий үйл ажиллагааны талаар нэн даруй мэдээлж бай. Сэжиг бүхий и-мэйлийн талаар санхүүгийн байгууллагадаа нэн даруй мэдэгдээрэй.
Зарим нэг үндсэн шалгуурыг хангасан и-мэйлийг л нээж, тэдгээрт хариу өг* - Энэ и-мэйл таны таньдаг хэн нэгнээс ирсэн үү? Энэ илгээгчээс өмнө и-мэйл хүлээн авч байсан уу? Энэ илгээгчээс хавсралт бүхий и-мэйл хүлээж байсан уу? Энэ илгээгчээс ирсэн и-мэйлийн гарчгийн агуулга болон хавсралт дахь материалын нэр зэрэгт ямар нэг учир холбогдол байна уу? Энэ и-мэйлд вирус байна уу?
* Интернэтийн Аюулгүй Байдлын Холбооноос гаргасан "Гэр бүлийн болон хувь хүний энгийн ухаанаар бодох хэрэглэгчийн заавар"-аас.