Чип Картууд

Карт эзэмшигчдэд зориулсан илүү сайн хамгаалалт, ашиглахад улам хялбар, өргөн сонголт.

Чип Картууд

Чип картууд нь бичил чип суулгасан төлбөрийн карт юм. Чипний тооцоолон бодох чадварыг ашигласнаар ухаалаг карт нь шинэ төлбөрийн хувилбар, үйлчилгээ, нэмэлт түвшний аюулгүй байдал, илүү ая тух болон сонголтыг өгөх юм.

Сайжруулсан аюулгүй байдал

Картаа гээх, хулгайд алдах болон хуурамч картны залилан гарах үед чип картны хувийн таних дугаар буюу ПИН нь аюулгүй байдлыг хангана. Чип нь картыг хуурамчаар хийхээс сэргийлж, ПИН нь тухайн картын эзнийг тодорхойлж, хаягдсан эсвэл алдагдсан тохиолдолд өөр хэн нэгэн ашиглахаас сэргийлнэ. Чип картаар ПОС дээр бэлэн бус гүйлгээ хийх үед чип картнаас илгээгдэх гүйлгээг зөвшөөрөх хүсэлт бүхий мэдээлэлд тухайн чипийг хуурамчаар хуулбарлах боломж бүрдүүлэх эсвэл өмнөх гүйлгээний мэдээлэл ашиглан зөвшөөрөлгүй чипний гүйлгээ хийх ямар нэг мэдээллийн өгөгдөл агуулагддаггүй.

Чип Картуудыг гадаадад ашиглах

Чип картын технологийг Европ болон Азид хэдийнээ маш өргөнөөр хэрэглэх болсон бөгөөд залиланг бууруулах маш үр дүнтэй арга болох нь батлагдаад байна. Карт эрхлэгч ПИН ашиглахыг илүүд үзэж тохируулга хийсэн байж болзошгүй тул олон улс орон чип болон ПИН технологи руу шилжихийн хэрээр гадаадад зорчиж буй карт эзэмшигчид чип картаар хийсэн гүйлгээгээ баталгаажуулахдаа ПИН ашиглах шаардлагатай байж болохыг санах хэрэгтэй.

Бусад давуу талууд

Залилангаас хамгаалахын зэрэгцээ чип картууд нь урамшууллын хөтөлбөр, хөнгөлөлт болон тусгай саналууд зэрэг олон үйлдлийг нэг карт дээр нэгтгэх боломжийг олгоно.

EMV

EMV нь Европей, Мастеркарт, Виза гэсэн гурван байгууллагын нэрийн товчлол бөгөөд эдгээр нь EMV-г чипэнд суурилсан кредит болон дебит гүйлгээний дэлхийн стандарт болгон хөгжүүлсэн. EMV стандарт нь аюулгүй байдлыг дээшлүүлж, дэлхий дахинд харилцан тохирч ажиллах техникийн суурийг бүрдүүлэх бөгөөд ингэснээр Виза картуудыг дэлхий дахинд төлбөрт хүлээж авсаар байх юм.