Виза компанитай хамтран боломжуудыг нээж олоорой

Том дүр зургаар эхэлье. Худалдаа арилжааны ертөнц өөрчлөгдөж, том боломжуудыг нээж өгч байна. Электрон төлбөр бол эдгээр боломжийг ашиглах гол хүчин зүйл мөн.

Электрон төлбөр тооцоо бол ирээдүй

Электрон төлбөрийн боломжийг бүрдүүлэхэд төлбөрийг гүйцэтгэх сүлжээ тогтвортой амжилтын гол түлхүүр байдаг. Дэлхийн хамгийн том электрон төлбөр тооцооны сүлжээ болох Визанет нь бизнесээ хөгжүүлэн өргөжүүлэхэд туслах чадал бүхий шинэлэг төлбөрийн гүйцэтгэлийн үйлчилгээг хүргэдэг. Визанетийн харилцагчдад нийцүүлсэн шийдэл нь бүтээгдэхүүн, үйлчилгээ болон таны бизнесийн онцлог хэрэгцээнд нийцсэн үзүүлэлтээс бүрддэг.

Визатай түншилснээр та дараах боломжийг эдэлнэ:

- Бизнесийн өсөлтөө дэмжих.
- Бизнесээ илүү хялбар эрхлэх, ойр орчиндоо эсвэл дэлхийн нөгөө захад байсан ч болно.
- Уламжлалт жижиглэн худалдаа, цахим худалдаа болон бусад зүйлсэд зориулсан өөрийн хүссэн шийдлийг тохируулах.
- Ил тод байдал болон хяналтыг хөнгөвчлөх.
- Олон улсад холбогдсон байдлыг нэмэгдүүлэх.
- Өөрийн улсын хилийн чанд дахь хэрэглэгчдэд хүрэх, шинэ цахим зах зээл олж, цэцэглэж буй олон улсын эдийн засагт оролцох.

Электрон төлбөр тооцоо бол ирээдүй.

Бичлэгийг үзэж, Виза хэрхэн өөрчлөлтийг бий болгож буйг хараарай

Виза Карт Гаргах

Өөрийн Виза картыг гаргаж, Виза харилцагчийн лиценз эзэмшигч болсноор та өөрийн хөтөлбөр хэрхэн төлөвлөгдөж, хэрэгждэг тал дээр илүү уян хатан байх боломжийг олж авахын зэрэгцээ нэмэлт үүргүүдийг хүлээнэ.

Визa сүлжээнд нэгдэн үйл ажиллагаа эрхлэх шинэ оролцогчдыг Визa таатай хүлээж авна. Үнэлгээний эхний үед эрсдэл бууруулахад болон лиценз авах, лицензээ сунгуулахын тулд тодорхой арга хэмжээнүүд авч хэрэгжүүлэх шаардлагыг Виза компани нь лиценз авахыг хүсч байгаа байгууллагуудад тавьж болно.

Түүнчлэн тус байгууллагууд нь орон нутгийн хууль тогтоомжийг хэрэгжүүлэх шаардлагыг хангах чадвартай байх ёстой гэдгийг энд онцлон тэмдэглэе.

Хамгийн түгээмэл Виза лицензийн төрлүүд

Үндсэн

Үндсэн лицензтэйгээр карт гаргах болон КҮБ-ыг шууд элсүүлэх боломжтой. Тэд гүйлгээг гүйцэтгэж, төлбөр гүйцэтгэлийн үйлчилгээ үзүүлэх боломжтой. Үндсэн лиценз эзэмшигч хэрэглэгчийн гүйлгээнээс үүдэлтэй төлбөр тооцоог Визатай шууд хийх шаардлагатай.

Дэд

Дэд лиценз эзэмшигчийг үндсэн лиценз эзэмшигч ивээн тэтгэсэн байх шаардлагатай. Ивээн тэтгэж буй үндсэн лиценз эзэмшигчтэй хийсэн гэрээнд үндэслэн дэд лиценз эзэмшигч нь Виза компанийн бүхий л үйл ажиллагааг эрхлэх боломжтой. Үндсэн болон дэд лицензийн гол ялгаа нь дэд лиценз эзэмшигчийн карт болон борлуулалтын хэмжээг ивээн тэтгэгчийнхэд тооцох бөгөөд төлбөр тооцоотой холбоотой хариуцлагыг ивээн тэтгэгч нь хүлээнэ.

Харгалзан үзэх чухал асуудлууд

Хууль, Дүрэм Журам Сахих

Мөнгө угаах болон терроризмийг санхүүжүүлэхийн эсрэг бодлого, дүрэм журам гэх мэт дотоодын хууль тогтоомжийн хүрээнд Виза картын хөтөлбөр хэрэгжүүлэх зөвшөөрөл авах шаардлага гарч болзошгүй.

Мэдээллийн аюулгүй байдал

Хэрэв та гүйлгээ төлбөр тооцоо хийх, хувийн нууцын мэдээлэл эсвэл данс хадгалах бол төлбөр, гүйлгээний аюулгүй байдлын стандарт болон мэдээллийн аюулгүй байдлын стандартуудыг хангаж, гэрчилгээ авсан байх шаардлагатай байж болзошгүй.

Санхүүгийн Харгалзан Үзэх Асуудлууд

Виза харилцагчийн лиценз эзэмшигчийн хувьд та карт эзэмшигчдийн гүйлгээний төлбөр тооцоог Визатай шууд хийх үүрэг хүлээснээр Виза карт хүлээн авагч болон КҮБ-д гүйлгээг хийх эрхийг олгоно. Шалгуур хангасан эсэхийг тодорхойлохын тулд Виза таны байгууллагын санхүүгийн гүйцэтгэл, компанийн эзэмшил, бүтэц зохион байгуулалт, толгой компанийн дэмжлэг, брэнд болон нэр хүндийн үзүүлэлтүүдийг үнэлнэ.

Давуу талууд

Виза лиценз эзэмшигч болсноор таны хүртэж болох зарим давуу талуудыг дурдвал:

Брэнд

Хэрэглэгчид болон байгууллагуудад өөрийн брэндийг өргөжүүлэн түгээх асар том боломж.

Хандалт

Таны бизнесийн өсөлтийг дэмжих Визагийн асар том түншүүдийн сүлжээнд хандах.

Түгээлт

Түншүүдийн хөтөлбөрийг ивээн тэтгэх санал хүргэх замаар өөрийн түгээлтийг өргөжүүлэх чадвартай болно.

Банктай Түншлэх

Визагийн харилцагч лиценз эзэмшигчтэй түншилж, өөрийн хөтөлбөрийг ивээн тэтгүүлж, Визa сүлжээнд болон системд хандах хурдан бөгөөд хялбар аргыг ашиглан өөрийн хөтөлбөрөөс Виза дансыг түгээж эхлэх боломж бүрдэнэ.

Дараах нь хэрхэн түншлэх чиглэлээр харгалзан үзэх чухал асуудлууд болно. Юуны өмнө Хөтөлбөрийн ивээн тэтгэгч нь лицензтэй, нэг буюу түүнээс дээш зах зээл дээр карт гаргах, гүйлгээ хүлээн авах эрхтэй, Визa сүлжээнд хандах эрх олгох, гүйлгээний төлбөр тооцоог гүйцэлдүүлэх болон бусад хууль, дүрэм журам сахих үүрэг хүлээсэн Визагийн харилцагч байна. Түүнчлэн тэд Визa сүлжээгээр дамжуулан өөрийн аль ч хөтөлбөрийг өргөн барих, зөвшөөрөл өгөх, хянан шалгах үүрэгтэй.

Ази номхон далайн хувьд хөтөлбөрийн ивээн тэтгэгч нь санхүүгийн бус байгууллага байж болох хэдий ч ерөнхийдөө ивээн тэтгэж буй түнштэйгээ адилхан улсад байнга оршин суух хаягтай байдаг. Тухайлбал, Сингапурт Виза карт гаргах хүсэлтэй түнш Сингапурт байнгын оршин суух хаягтай хөтөлбөрийн ивээн тэтгэгчтэй байснаар дотоодын хууль, тогтоомжийн шаардлагыг хангана.

Хөтөлбөрийн ивээн тэтгэгч нь өөрийн картыг гаргах сонирхолтой боловч Виза харилцагчийн бүрэн лиценз эзэмших хэрэгцээ байхгүй байгууллагуудад тохиромжтой.

Таны бизнесийн төлөвлөгөөнд нийцэх, дэмжлэг үзүүлэх хамгийн тохиромтой хөтөлбөрийн ивээн тэтгэгчийг олж тогтоох нь юуны өмнө дараах зүйлсийг харгалзан үзэхээс эхэлнэ:

Тухайн байгууллагын стратеги зорилгууд нь танайхтай нийцэж байна уу?
Танай хөтөлбөрийн үйл ажиллагааны шаардлагыг хангах техникийн болон үйл ажиллагааны ямар хүчин чадал байна?
Таны бизнесийн тэргүүлэх чиглэлд нийцсэн хэдийнээ үүссэн ямар харилцаа байгаа вэ?
Бизнесийн харилцааг хөгжүүлэхэд хэр хялбар байх вэ?
Өмнө ийм хамтын ажиллагаанд орж байсан туршлага бий юу?

Хөтөлбөрийн ивээн тэтгэгчийн талаар илүү мэдэхийг хүсвэл Визатай холбогдоорой

Виза API Ашиглан Шийдлүүдийг Хөгжүүлээрэй

Визa Хөгжүүлэгч нь сүлжээнийхээ болон үнэ цэнэ нэмэгдүүлсэн хөрөнгөө API болгох замаар түншүүдтэйгээ холбогдох арга замыг өөрчилж байна. Газарзүйн байршлаас эхлээд токенжуулалтад бодит цаг хугацаанд гүйлгээний дохио мессеж өгөх зэргээр манай Визa хөгжүүлэгч төв нь нэмэгдсээр байгаа API-үүд, бусад багаж хэрэгсэл, арилжаагаа илүү хялбар, хурдан, аюулгүй болгон сайжруулах дэмжлэгт шууд хандах боломжийг олгодог. Дэлхийн хамгийн том төлбөр, гүйлгээний сүлжээнээс гаргадаг хэрэгслийг хэрхэн ашиглаж болох талаар харна уу.

Виза API төрлүүд

Төлбөрийн хэрэгслүүд

АPI ашиглан хэрэглэгч онлайнаар саадгүй шилжүүлэг хийх эсхүл виртуал мөнгө ашиглах аюулгүй аргыг бий болгоорой.

Ерөнхий үйлчилгээнүүд

Валютын ханшаас эхлээд данс баталгаажуулалт хүртэл ямар ч асуудалд тусламж үзүүлэх АPI-үүд хэрэглэх замаар санал болгох үйлчилгээгээ нэмэгдүүлээрэй.

Эрсдэл, залилан

Залиланг бодит хугацаанд илрүүлэх эсхүл хэрэглэгчдэд картаа хянах илүү боломж өгөх АPI-үүд ашиглах замаар төлбөрийг илүү аюулгүй болгоорой.

Хамтдаа бүтээцгээе

Визa хөгжүүлэгчид нэгдээрэй

Виза Картаар Мөнгө Шилжүүлэх

Виза картанд мөнгө шилжүүлэх гүйлгээ хийх боломжийг Виза олгодог. Энэхүү боломжийг "төлбөр-түлхэх" гэж нэрлэх бөгөөд хувь хүнээс хувь хүнд дамжуулах шилжүүлэг, зах дээрх төлбөр, төрийн болон хувийн байгууллагын халамж түгээлт гэх мэт олон хэрэглэгчид, байгууллагын бодит хэрэглээнд үүнийг ашиглаж болно.

Энэ боломжийг ашиглаж буй хувь хүнээс хувь хүнд мөнгө шилжүүлэх үндсэн үйлчилгээ нь Мөнгө Шилжүүлгийн API ашиглан "татах" болон "түлхэх" үйлдлийг гүйцэтгэнэ.

Эхний алхам бол илгээгчээс мөнгийг татах. Эхлүүлэгчийн хувьд та илгээгчийн данснаас нь мөнгө гарган авах эсвэл илгээгчийн Виза картнаас мөнгө авах гэх мэт ямар ч хэлбэрээр мөнгийг татах боломжтой. Хэрэв мөнгөний эх үүсвэр нь Виза карт байгаа тохиолдолд та Мөнгө шилжүүлгийн API ашиглан авах боломжтой. Мөнгө шилжүүлгийн API нь Виза картнаас мөнгө гарган авах тусгай үйлдэлтэй байдаг.

Мөнгө шилжүүлгийн API ашиглан эсвэл өөр бусад аргаар илгээгчээс мөнгийг авсны дараах үйлдэл бол хүлээн авагчийн Виза дансанд тэр мөнгийг түлхэх буюу байршуулах. Мөнгө шилжүүлгийн API-д цор ганц Виза данс руу мөнгийг түлхэх үйлдэл байдаг.

Хэрэв түлхэх төлбөр нь мөнгө тараах үйлчилгээний нэг хэсэг бол мөнгө шилжүүлгийн гүйлгээний зөвхөн түлхэх хэсэг нь л шаардлагатай. Тараах мөнгийг ихэвчлэн илгээгчийн банкны данснаас татан авч, Визa сүлжээний гадна төлбөр тооцоог гүйцэтгэдэг. Илүү дэлгэрэнгүй мэдээлэл авах бол Визa хөгжүүлэгч платформд зочлоорой.